Нууц мэдээллийн уурхай

БНСУ руу зорчих олон удаагийн виз олгох журмыг шинэчиллээ

Нийтэлсэн: 2018-09-12 17:06:14

Улаанбаатар хот дахь БНСУ-ын ЭСЯ-ны консул Кил Канмуг Монгол иргэдийн БНСУ-руу зорчих олон удаагийн визний журамд орсон өөрчлөлт түүнийг хэрэгжүүлэх талаар өнөөдөр мэдээлэл хийлээ. Тэрээр “БНСУ-руу зорчих визний журамд зөвхөн ЭСЯ дангаараа өөрчлөлт оруулдаггүй, БНСУ-ын Хууль зүйн яам, Гадаадын иргэн харьяатын газар, Цагаачлалын алба зэрэг холбогдох байгууллагуудын хамтарсан шийдвэрээр гаргадаг. Өнөөдрийн байдлаар мянга орчим солонгос иргэн Монголд зорчих олон удаагийн виз авсан бол 37 мянган монгол иргэн БНСУ руу зорчих олон удаагийн виз эзэмшдэг” гэлээ.

Хуучин журмаар олон удаагийн визийг олгохдоо долоон шалгуур хангасан тохиолдолд виз олгодог байсан бол энэ удаагийн шинэчлэлээр нэмж зургаан шалгуурыг тусгахаар болжээ. Өөрөөр хэлбэл, шинэ журамд нийт 13 шалгууртай болгожээ.

ОДОО МӨРДӨГДӨЖ БУЙ ЖУРАМ

-БНСУ-д зорчиж байсан иргэн

-Төрийн албан хаагч болон төрийн өмчит ААН-ийн үндсэн ажилтан (хэлтсийн даргаас дээш албан тушаалтан)

-БНСУ-руу тогтмол нислэг үйлддэг авиа компани, усан онгоцны компанийн үндсэн ажилтан (хэлтсийн даргаас дээш албан тушаалтан)

-БНСУ-тай хамтран байгалийн баялаг, эрчим хүч олборлох, борлуулах зорилгоор ААН байгуулах, БНСУ-ын төрийн болон төрийн өмчит ААН-ийн урилгаар хэлэлцээр хийх, гэрээ байгуулах зэрэг үйл ажиллагааны шугамаар зорчих иргэн

-БНСУ-ын иргэншилтэй болсон иргэний эцэг, эх, хүүхэд, БНСУ-ын иргэний эхнэр, нөхөр, мөн хоёр улсад гэрлэлтээ батлуулаад 1 жил ба түүнээс дээш жил зүй ёсоор амьдарч буй БНСУ-ын иргэний эхнэр/нөхрийн эцэг, эх, насанд хүрээгүй хүүхэд (18-аас доош насны)

-Олон улсад ашиглагддаг кредит карт эзэмшигчийн харилцагчийн зэрэглэл болон зарцуулалтаас хамааруулан VIP үйлчлүүлэгч гэж үзсэн иргэн

-Байнгын зорчигч – БНСУ-руу сүүлийн хоёр жилийн дотор 4 ба түүнээс дээш, нийт 10-аас дээш (сүүлийн 2 жилд заавал нэг удаа зорчсон байх) зорчсон иргэн

ОДОО МӨРДӨГДӨЖ БУЙ ЖУРАМ ДЭЭР НЭМЭГДЭЭД

-Холбогдох нөхцөлийг хангаж буй эмч, өмгөөлөгч, их сургуулийн багш зэрэг мэргэжлийн боловсон хүчин

-Холбогдох нөхцөлийг хангаж буй сэтгүүлч, найруулагч, редактор зэрэг хэвлэл мэдээллийн байгууллагад нэг жилээс дээш хугацаагаар ажилласан иргэн

-Нэг жилийн турш төлсөн татварын хэмжээ 500 сая төгрөгөөс дээш байх, эсвэл татвар төлөгч аж, ахуйн нэгжийн хэлтсийн дарга болон түүнээс дээш албан тушаалд нэг жилээс дээш хугацаагаар ажиллаж буй иргэн

-БНСУ-д бакалавраас дээш зэрэг хамгаалсан иргэн, эсвэл бусад улсад магистраас дээш зэрэг хамгаалсан иргэн (Үүнд коллеж хамаарахгүй)

-Холбогдох нөхцөлийг хангаж буй олны танил урлаг соёлын зүтгэлтэн, тамирчин (Тухайн салбарт гавьяа зүтгэл гаргасан иргэн)

-500 сая төгрөгөөс дээш үнэ бүхий үл хөдлөх хөрөнгө, санхүүгийн хөрөнгө зэрэг хувийн хөрөнгө эзэмшиж буй иргэн олон удаагийн виз хүсэх боломжтой болжээ.

ХУГАЦААНЫ ТУХАЙД

Одоогийн мөрдөж буй журмаар олон удаагийн виз авахад эхлээд нэг жилээр олгоод оршин суух хугацаандаа аливаа зөрчил гаргаж байгаагүй, визний хугацаандаа хоёр ба түүнээс дээш удаа зорчсон тохиолдолд оршин суух хугацаа 90 хоног, визний хүчинтэй хугацаа хоёр жил, энэ хугацаандаа аливаа зөрчил гаргаж байгаагүй, байнгын зорчдод хамаарах иргэн оршин суух хугацаа 90 хоног, визний хүчинтэй хугацаа хоёр жилийн олон удаагийн виз олгодог байв.

Шинэ журамд олон удаагийн визний нөхцөл хангаж буй иргэний гавьяа шагнал, ажилласан жил, эдийн засгийн чадавх мөн оршин суух хугацаандаа аливаа зөрчил гаргаж байгаагүй зэргийг харгалзан үзэж шууд гурав болон таван жилийн олон удаагийн визийг олгох боломжтой аж.

Кил Канмуг: БНСУ-руу виз мэдүүлэгчдийн тоо өнгөрсөн оны мөн үеэс 130 хувиар өссөн

Мэдээллийн дараа БНСУ-ын ЭСЯ-ны Консул Кил Канмугаас сэтгүүлчид сонирхсон асуултдаа хариулт авлаа.

-Шинэчлэгдсэн журам хэзээнээс мөрдөгдөж эхлэх вэ?


-Олон удаагийн визний журмыг нарийвчилж дуусахаар аль болох хугацаанд хэрэгжүүлэхээр ажиллаж байна. Ер нь аравдугаар сараас эхлэн шинэчилсэн журмаа хэрэгжүүлж эхлэх бүрэн боломжтой гэж үзэж байгаа. Гэхдээ үүнийг хурдан хугацаанд хэрэгжүүлж эхлэхэд хуурамч бичиг баримт бүрдүүлж байгаа нь саад болж байна. Тийм учраас шинэчилсэн журмыг нарийвчлан тогтсоны дараа хэрэгжүүлж эхэлнэ.

-Солонгос улс руу манай улсаас хэчнээн иргэн виз мэдүүлэх хүсэлт гаргадаг юм бэ. Үүнээс яг хэд нь   виз авдаг вэ?

-2016 онд 60 мянган иргэн виз мэдүүлж байсан. Харин 2017 онд 130 мянган монгол иргэн солонгост зорчих визний хүсэлт гаргасан. 2018 оны долоон сарын байдлаар 88 мянган иргэн визний хүсэлт гаргасан. Үүнийг өмнөх оны мөн үетэй харьцуулахад ойролцоогоор 130 хувиар өссөн үзүүлэлт гарч байгаа юм.

-Хуурамч бичиг баримт бүрдүүлэх тохиолдол их байдаг гэсэн. Одоогоор хэчнээн монгол иргэн хуурамч бичиг баримт бүрдүүлсэн хэргээр шалгагдаж байна вэ?

-Хуурамч бичиг баримт бүрдүүлэх асуудал нь виз мэдүүлэх хугацаагаараа ялгаатай. Нийт тооноос илүү нэг жишээ хэлэхэд, долоо хоногт 1000 бичиг баримт хуурамчаар бүрдүүлсэн тохиолдол байна. Таван сая төгрөгийн барьцаа буюу санхүүгийн чадавхыг илэрхийлсэн бичиг баримтыг хуурамчаар бүрдүүлэх тохиолдол маш их байдаг. Тиймээс Солонгос улс руу виз хүсэх иргэд зуучлагч байгууллагуудад хууртагдахгүй байхыг анхааруулж байна. Виз хүсэгч банкинд мөнгө байршуулсан эсэхийг хурдан хугацаанд шалган, тогтоодог. Тэгэхээр таван сая төгрөг байршуулах, банкны баталгаа хийж өгнө гэсэн зуучлагчийн үйлдэлд битгий хууртаасай гэж хүсэж байна.

-Виз мэдүүлээд мэдэгдэх хугацаа удааширч байна. Энэ талаар?

-Виз мэдүүлэх хугацаа албан ёсоор 21 хоногт олгож байгаа. Зарим тохиолдолд бага зэрэг хоцорч байгаа.

 

НУУЦ.мн

 

Нийт сэтгэгдэл: 0
АНХААРУУЛГА

Уншигчдын бичсэн сэтгэгдэлд nuuts.mn хариуцлага хүлээхгүй болно. nuuts.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг nuuts.mn сайтад зочлон өөрийн санал бодлоо чөлөөтэй илэрхийлж байгаад баярлалаа.



Сэтгэгдэл бичих

Шинэ мэдээ

АТГ-ын дарга Х.Энхжаргал : Намайг огцруулах нь хууль бус
Нийтэлсэн: 2019-02-22 09:23:02

 

АТГ-ын даргад хаяглан ирүүлсэн тулган шаардах бичгийн хариуг өнөөдөр өгөв. “Манан дэглэмийн эсрэг Монгол түмний нэгдэл” хөдөлгөөнийг дэмжигч иргэд болон эх оронч төрийн бус байгууллагуудаас АТГ-ын дарга Х.Энхжаргалыг нэн даруй огцрохыг шаардсан нь хуу ..

Сэтгэгдэл бичих Цааш унших

УИХ-ын гишүүн Б.Наранхүү ийм л "ажил" хийжээ /бичлэг/
Нийтэлсэн: 2019-02-22 09:05:41

 

УИХ-ын гишүүн Б.Наранхүү ийм л "ажил" хийжээ.

Сэтгэгдэл бичих Цааш унших

Эксийнхээ гар утсан дахь НҮЦГЭН зургаа устгахаар гэрт нь шөнө нууцаар оржээ
Нийтэлсэн: 2019-02-22 08:52:03

 

Австралийн Сидней хотын ТВ-ийн продюссер Жэйн Хокинг саяхан найз залуугаасаа салжээ. Гэхдээ хамтдаа байхдаа аз жаргалтай цаг хугацааг өнгөрөөсөн гэнэ. Бас дүрсгүйтэж явжээ. Ингэж явахдаа нэгэн удаа нүцгэн цээжнийхээ зургийг найз залуудаа ..

Сэтгэгдэл бичих Цааш унших

Оросын тусгайнхан гэмт хэрэгтэнг баривчлах гээд бүтэлгүйдсэн БИЧЛЭГ ...
Нийтэлсэн: 2019-02-21 20:07:17

 

Энэ явдал Оросын Самара хотод 2-р сарын 20-нд болжээ. Цагдаагийн тусгайнхан цагаан өнгийн "вольва" унасан хар тамхины наймаачинг баривчлах гээд олны өмнө ..

Сэтгэгдэл бичих Цааш унших

Агааржуулалтын хоолойгоор мөлхсөн хоригдол цагдаагийн толгой ДЭЭР ... /бичлэг/
Нийтэлсэн: 2019-02-21 10:46:52

 

Хоригдол шоронгийн агааржуулалтын хоолойгоор дамжин оргох гэжээ. Гэсэн ч тааз даалгүй цөмөрч цагдаа нарын толгой дээр унаж баригджээ.

Сэтгэгдэл бичих Цааш унших

Ц.Мөнх-Оргил: ШХАБ-д элвэл мөнгө өгнө гэж хэн ч хэлээгүй
Нийтэлсэн: 2019-02-21 10:09:05

 

Монгол Улс ШХАБ-д элсэх элсэхгүй талаар Гадаад харилцааны сайд асан, УИХ-ын гишүүн Ц.Мөнх-Оргил " Би хувь гишүүнийхээ хувьд ШХАБ-д элсэх шаардлагагүй гэсэн байр суурьтай байдаг. Энэ байр сууриа өмнө нь олон ч удаа илэрхийлж байсан. Гадаад харилцааны ..

Сэтгэгдэл бичих Цааш унших

"Ц.Нямдорж огцрохгүй бол яамных нь өмнө суулт зарлана"
Нийтэлсэн: 2019-02-21 10:02:32

 

“Шударга ёс” хөдөлгөөнөөс хууль, шүүхийн байгууллагын шударга бус байдлыг шүүмжилж мэдээлэл хийлээ. Хэвлэлийн хуралд шүүх цагдаагийн байгууллагын буруутай шийдвэрээс хохирсон ээжүүдийн төлөөлөл оролцсон юм. Үр хүүхдээ бусдын гарт алдсан олон хэргийг ..

Сэтгэгдэл бичих Цааш унших

П.Орхон 4 жилээр эрхээ хасуулж 2020 оны Олимпод барилдахгүй боллоо
Нийтэлсэн: 2019-02-21 08:53:17

 

Жакарта-2018” Азийн зуны спортын XVIII наадмын чөлөөт бөхийн эмэгтэйчүүдийн 62 кг-ын жинд Монгол Улсын гавьяат тамирчин Пүрэвдоржийн Орхон бүх өрсөлдөгчидөө илүүрхэн ялж, алтан медалийн эзэн болсон билээ. ..

Сэтгэгдэл бичих Цааш унших

Бяцхан хүү дүүгээ бүүвэйлж буй ӨХӨӨРДӨМ бичлэг ...
Нийтэлсэн: 2019-02-20 21:20:49

 

Бяцхан хүү дүүгээ бүүвэйлж буй ӨХӨӨРДӨМ бичлэг ...

Сэтгэгдэл бичих Цааш унших

Орос жолооч Монголын гаалийн ажилтанд "томорч" буй БИЧЛЭГ ... /бичлэг/
Нийтэлсэн: 2019-02-20 20:38:29

 

Монгол-Оросын хил дээр нэгэн орос жолооч Монголын гаалийн ажилтантай илт хүндэтгэлгүй харьцаж их гүрний дээрэнгүй үзлээ харуулжээ.

Сэтгэгдэл бичих Цааш унших