Нууц мэдээллийн уурхай

Онгоцны үйлчлэгч нарын сонирхол татам амьдрал

Нийтэлсэн: 2019-06-10 13:38:36

Онгоцны үйлчлэгч гэхээр л бид үүлэн дээгүүр нисч, гунхалзан алхах сайхан бүсгүйчүүдийг өөрийн эрхгүй төсөөлдөг. Амрахаар нисч яваа сайхан зантай зорчигчидтой инээмсэглэн харилцаж, тэдэнд хоол зөөнө. Харин өглөө нь үзэсгэлэнт Парисын цамхагийн дэргэд сэрдэг гайхалтай сайхан, амархан ажил мэтээр хүн бүхэн л бодоцгоодог. Гэтэл бодит байдал дээр таны төсөөлснөөс огт өөр байдаг ажээ. Цагийн хуваарийн дагуу ажиллаж, өдрийн талыг дүрэмт хувцастайгаа өнгөрүүлэхээс гадна тэдэнд заавал дагаж мөрдөх ёстой дүрмүүд гэж байдаг. Ингээд хамтдаа онгоцны үйлчлэгч нарын хөшигний цаадах амьдралтай танилцъя. 

1.Жирэмсэн болох юмуу хүнтэй гэрлэвэл ажлаасаа халагдана

Ажилчдынхаа гэр бүлийн байдлыг нэгэн ижил байлгах гэж хичээдэг гээд бодохоор хэцүү байгаа биз? Агаарын тээврийн зарим компани онгоцны үйлчлэгчдээ гэр бүлгүй байхыг шаарддаг аж. Ялангуяа "Jet Airways" компани онгоцны үйлчлэгчдээ гэр бүлгүй байхыг шаарддаг төдийгүй хүн хүч дутмаг аль ч үед ээлжинд гарч ажиллах боломжтой байхыг хүсдэг. Өмнө нь "Qatar Airways" компани  ажилд ороод 5 жил болоогүй байхдаа жирэмсэн болсон, гэр бүл зохиосон онгоцны үйлчлэгчдээ шууд л ажлаас нь халчихдаг байсан бол өдгөө арай уян хатан байдлаар хандах болжээ. 

2.Хувийн мэдээллээ өгөх ёстой

Онгоцны үйлчлэгчдийн биеийн жин нь тэдний өмнө тавигддаг хамгийн чухал стандартуудын нэг ажээ. Онгоц өөрийн гэсэн даацтай байдаг учраас илүүдэл масс огт  хэрэггүй. Чехийн Агаарын тээврийн компани онгоцны үйлчлэгчдийнхээ биеийн жингийн индексийг 19-24-ын хооронд байхыг хэвийн гэж үздэг бөгөөд үүнээс илүү гарсан тохиолдолд тухайн онгоцны үйлчлэгчийг ажлаас халах хүртэл арга хэмжээ авдаг. 

"Malaysia Airlines" хөлгийн багийнхаа гишүүдийн биеийн жинг жилд 2 удаа үздэг бөгөөд стандартад нийцээгүй гишүүн дасгал хөдөлгөөнөөр хичээллэж хэвийн жинтэй болох үүрэгтэй. Үзлэгт тэнцээгүй гишүүний биеийн жинг сар бүх хянах ба жингээ хасч чадахгүй байгаа хүнийг жингээ хастал ажлаас нь түр хугацаагаар чөлөөлдөг ажээ. 

3.Үргэлж хөөрхөн бас гэрэлтсэн арьстай байх ёстой

Хүнийг гадна төрхөөр нь дүгнэн ажилд авах нь мэдээж хэрэг тийм сайн зүйл биш ч гэлээ дэлхийн олон орны үйлчилгээний салбарынхан хөөрхөн царайнд "тийм" гэж хэлдэг бичигдээгүй хуультай. Энэ хууль онгоцны үйлчлэгчдэд  ч гэсэн үйлчилнэ. 

Агаарын тээврийн компани болгонд "яг л ийм төрх, гадаад байдалтай хүнийг ажилд авна" гэсэн тогтсон ойлголт байдаг хэдий ч ерөнхийдөө онгоцны үйлчлэгчдийг гараа өргөөд зогсоход 210 см өндөр байх ёстой гэж үздэг. "Jet Airways" компани онгоцны үйлчлэгчдийнхээ нүүр царайг элдэв сорви, батга, сэвхгүй гэрэлтсэн цагаан байх ёстой гэж үздэг бөгөөд эелдэг зан ааштай, хараа сайтай байхыг нь чухалчилдаг гэнэ. 

4.Эрүүл чийргээ батлахын тулд шинжилгээ өгдөг

Агаарын тээврийн компаниуд аль болох эрүүл чийрэг хүнийг ажилд авахыг хүсдэг. Эрүүл чийрэг хүн өөрт оногдсон ажлаа сайн гүйцэтгэхээс гадна өвчин тусахгүй байж чадна. Онгоцны үйлчлэгчид халуун, хүйтэн төрөл бүрийн улс орнууд руу нисч, олон хүмүүстэй харилцах хэрэгтэй болдог билээ. "Air New Zealand"  ажилчдаасаа эмнэлгийн үзлэгт орохыг шаарддаг бол "Etihad" ажилд авсаныхаа дараагаар тэднээр шинжилгээ өгүүлдэг байна. Чехийн Агаарын тээвэр ажилд авахаасаа өмнө сэтгэцийг нь шалгадаг журамтай ажээ. 

5.Биеийн хүчний шалгалтанд унавал шууд л "БАЯРТАЙ"

Онгоцны үйлчлэгчдийг та хүчтэй байх ёстой гэж өмнө нь огт бодож байгаагүй гэж мөрийцсөн ч болно. Гэтэл онгоцны үйлчлэгчид зорчигчдынхоо ачаа тээшийг өргөхөөс авахуулаад олон зүйлийг хийхэд хүч чадал хэрэг болдог ажээ. Канадын агаарын тээврийн компани болох "West jet" онгоцны үйлчлэгч шалгаруулж авахдаа тэдний хүч чадлыг заавал ч үгүй шалгадаг байна. Онгоцны үйлчлэгч 23 кг-ийг газраас дээш өргөж мөн 10 кг жинтэй зүйлийг толгой дээрээ өргөж чаддаг байх ёстой. 

6.Аврагчийн шалгалтыг давах ёстой

Та үүнийг уншаад "үгүй байлгүй дээ" гэж бодсон байх л даа. Тэгвэл бодит байдал дээр ихэнх авиа компаниуд хөлгийн багийнхаа гишүүдээс мэргэжлийн "сэлэгч" байхыг шаарддаг гэнэ. Сэлэх чадвартай байх нь хэзээ нэгэн цагт онцгой байдал үүсвэл хэрэг болох ажээ. "Ryan Air" компани багийн гишүүдээсээ дор хаяж 20 метрийн зайд сэлж чаддаг байхыг шаарддаг бол "Easy jet" компани тэднээс хамгийн багадаа 10 минутын турш сэлж чаддаг байхыг хүсдэг. Харин "Etihad" хөвөгч төхөөрөмжийн тусламжтайгаар усанд сэлдэг байвал хангалттай гэж үздэг байна. 

7.Шалгалт өгөх ёстой

Онгоцны үйлчлэгч болохын тулд мэргэжил эзэмших хэрэггүй хэдий ч асар олон хичээлээс бүрдсэн сургалтанд хамрагдаж хичээл бүрийг "онц" дүнтэйгээр хаах ёстой байдаг. Чехийн агаарын тээвэр онгоцны үйлчлэгч болохоор элсэн орсон суралцагчдыг Агаарын тээврийн Анагаах ухааны хүрээлэнд элсүүлж 42 хоногийн турш өдөр бүр хичээл зааж онгоцны үйлчлэгч болж чадах эсэхийг нь "үздэг". "TAM Airlines" суралцагчдаасаа шалгалт авахдаа битүү утаатай тас харанхуй төөрдөг замаар явуулж үүнээс гарч чадсан суралцагчийг шалгалтаа амжилттай давсанд тооцдог хатуу журамтай. 

8Нүүрээ будах ёстой

Нүүр будгийн хичээл өдөржингөө үздэг хүнд энэ нь сайхан зүйл мэт санагдаж болох ч огт буддаггүй хүнд бол "яггүй зүйл" байх нь мэдээж. Дэлхийн ихэнх авиа компаниуд өөрсдийн үйлчлэгчиддээ маш бага хэмжээгээр юмуу тохируулан будахыг зөвлөдөг. "Allegiant Air" компаний онгоцны үйлчлэгчид ажлаа хийх үедээ заавал уруулаа будсан юмуу эсвэл өнгөлсөн байх ёстой байдаг. 

9.Хэлэндээ персингтэй байхыг хориглоно. Хамгийн гол нь ариун цэвэр

Нислэгт явж буй онгоцны үйлчлэгчид ариун цэврийг дээд зэргээр сахих ёстой байдаг. "American Airlines" компанид ажилладаг онгоцны үйлчлэгчдийн шүд цэвэрхэн харагдаж байх ёстой ба шүдний аппарат зүүдэг бол хүний нүдэнд ил харагдахгүй байх ёстой гэнэ. "Allegiant Air" компани амны гааг хэрэглэхийг зөвшөөрдөг ба хэлэндээ персингтэй байхыг хатуу хориглодог. 

10.Гоо зүйн өндөр мэдрэмжтэй байх учиртай

Хэрэв та анзаарсан бол онгоцны үйлчлэгчдийн үс ямар ч өөгүй сайхан харагддаг шүү дээ. Энэ нь харьяалагддаг компани нь тогтсон нэг самналттай байхыг тэднээс шаарддагтай холбоотой юм. "Hawaiian Airlines" компани үйлчлэгчдээ үсээ будаж, дээш нь овоолж, этгээд гаж маягаар засуулж, олон жижиг сүлжиж, буржийлгахыг зөвшөөрдөггүй байна. "United Airlines" компани сахалтай байхыг тэвчиж чаддаггүй бол "American Airlines" хамар, суга болон чихэн доторх хүний нүдэнд харагдахуйц үсийг хусч байхыг шаарддаг ажээ. 

11.Ил гарах газартаа шивээс хийлгэхийг хориглодог

Шивээсийг сонирхон хийлгэдэг хүмүүсийн тоо олон болсон хэдий ч онгоцны үйлчлэгчид ил харагдах газраа шивээс хийлгэх нь хориотой байдаг ажээ. "British Airways" компаний ажилчид сонгодог загварын гутал өмсдөг учраас хөл дээрээ шивээс хийлгэх нь хориотойгоос гадна бугуйн дээрээ шивээсгүй байхыг хатуу шаарддаг гэнэ шүү. 

12.Тодорхой тооны гоёл чимэглэл л зүүж болно

"United Airlines" нэг гартаа хоёроос дээш тооны бөгж зүүхийг хориглодог бол "JetBlue" компани дүрэмт хувцсан дээр нь сайхан харагдахгүй байгаа зүйлсийг зүүхийг хориглодог ажээ. Харин ээмэгний тухайд гэвэл "Hawaiian Airlines"-ийнхан диаметрээрээ 3 см-ээс хэтрэхгүй цагирган ээмэг зүүхийг зөвшөөрдөг байна. 

13.Алхаа гишгээ, зогсолт, гараа хэрхэн тавихыг хүртэл заадаг

Дүрэмт хувцсаа өмсч, нэгэнт нислэгт л гарсан бол онгоцны үйлчлэгчийн нэр хүндийг өндөрт өргөж явах ёстой ажээ. "Regional Express Pty Limited" компани ажилчдаасаа "бөгтийж, гараа халаасандаа хийх юмуу эсвэл элгээ тэвэрч зогсохгүй" байхыг хүсдэг гэнэ. Харин "Malaysia Airline" компаний үйлчлэгчид загвар өмсөгчдийн нэгэн адилаар "муурын алхаа"-гаар алхдаг байна. Сургалтын төвд явж байхдаа тэд 4 талдаа тольтой өрөөнд алхаж сурдаг аж.

14.Дүрэмт хувцас нь ямагт индүүдлэгтэй, төгс харагдаж байх ёстой

Дүрэмт хувцсаа өмссөн онгоцны үйлчлэгч өөрийнхөө компанийг бүрэн төлөөлдөг билээ. Ийм учраас онгоцны үйлчлэгч хүн дүрэмт хувцасныхаа хэсэг тус бүрийг зохих ёсоор нь өмссөн байх учиртай гэнэ. "United Airlines" компанид шинээр ажилд орсон бол таны юбка өвдөгнөөс ердөө нэг ямх дээгүүр байх ёстой гэнэ. Харин "JetBlue"-гийн үйлчлэгчид цамцаа бүсэлхийгээрээ уях хориотой байдаг бол "Emirates" компаний үйлчлэгчид малгайгаа хөмсөгнөөсөө яг хоёр хуруу зайтай өмсөх дүрэмтэй. 

15.Дуудлага, биеэ авч яваа байдлыг нь хүртэл засч сайжруулдаг

Нислэгийн үеэр онгоцны үйлчлэгчтэй ярьсан хүн болгон тэдний ямар хэлэмгий доломгой болохыг анзаарсан байх. Онгоцны үйлчлэгчид стандартад нийцсэн үг хэллэгээр зорчигчидтойгоо харилцаж, биеэ зөв авч явж, сайхан сэтгэгдэл үлдээх ёстой хүмүүс билээ. "Malaysia Airline"-ий үйлчлэгчдийг төрөлх дуудлагаараа ярихыг шаарддаг нь зорчигчиддоо тааламжтай сэтгэгдэл үлдээхийг хүсдэгтэй холбоотой гэнэ. Онгоцны үйлчлэгч хүн дээрх зүйлсээс гадна хоолны соёл, харилцааны ёс зүйд сайтар мэргэшсэн байх ёстой ажээ. 

Нийт сэтгэгдэл: 1
  1. дорж /64.119.21.161/ 2019-06-14 04:18:01

    гайхалтай.

АНХААРУУЛГА

Уншигчдын бичсэн сэтгэгдэлд nuuts.mn хариуцлага хүлээхгүй болно. nuuts.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг nuuts.mn сайтад зочлон өөрийн санал бодлоо чөлөөтэй илэрхийлж байгаад баярлалаа.



Сэтгэгдэл бичих

Шинэ мэдээ

“Түүхээ сөхвөл” ном болон мэндэллээ
Нийтэлсэн: 2019-12-12 17:23:14

 

Цахим орчинд олон мянган хандалт авч хүсэн хүлээж, шимтэн уншдаг өөрийн гэсэн уншигчидтай УИХ-ын гишүүн Ж.Бат-Эрдэнийн “Түүхээ сөхвөл” цуврал дурсамж эмхтгэгдэн ном болон мэндэлжээ. “Түүхээ сөхвөл” номын хурим өнөөдөр Интерном их дэлгүүрт боллоо. Зохиог ..

Сэтгэгдэл бичих Цааш унших

Хотын захирагч С.Амарсайхан авто зам ашигласны төлбөрийг эргэн харж хуулийн хүрээнд шийдвэрлэхээ илэрхийллээ
Нийтэлсэн: 2019-12-12 17:10:35

 

Авто зам ашигласны төлбөрийг  нэмэхийг эсэргүүцсэн жагсагчдын төлөөлөл болох Автомашинтай хөдөлгөөний ерөнхий зохицуулагч Б.Цэгмэд, Үнэн ба Зөв намын дарга А.Отгонбаатар, МАХН-ын дэд дарга Ц.Оюунбаатар нарын хүмүүсийг Хотын захирагч  С.Амарсайхан хүлээн ав ..

Сэтгэгдэл бичих Цааш унших

Борлуулалтын цэгүүдийг яаралтай түлшээр хангахаар нэмэлт тээвэрлэлт гарсан гэв
Нийтэлсэн: 2019-12-12 13:48:08

 

Нийслэлийн онцгой комиссын 15 дугаар хурал өнөөдөр боллоо. Хуралдааны эхэнд нийслэлийн Онцгой комиссын орлогч дарга, хурандаа Ж.Чүлтэмсүрэн сайжруулсан түлшний тээвэрлэлт, борлуулалтын цэгүүдийн нөөцийн талаар мэдээлэл хийлээ. Тэрбээр мэдээлэлдээ “Нийслэли ..

Сэтгэгдэл бичих Цааш унших

Зөвшөөрөлтэй барилгуудын жагсаалтыг www.uda.ub.gov.mn сайтаас авах боломжтой
Нийтэлсэн: 2019-12-12 13:46:27

 

Нийслэлийн Хот байгуулалт хөгжлийн газарт гомдол санал гаргадаг иргэдийн олонх нь өөрсдийн оршин суугаа байршилд баригдаж буй барилгууд нь зөвшөөрөлтэй, эсэхийг лавлахаар ханддаг байна. Тиймээс иргэдэд мэдээллийг түргэн шуурхай хүргэх зорилгоор байгууллагы ..

Сэтгэгдэл бичих Цааш унших

Хотын Захирагч сайжруулсан түлшний борлуулалт, түгээлтийн үйл ажиллагааг биечлэн шалгалаа
Нийтэлсэн: 2019-12-12 12:45:19

 

Нийслэлийн Засаг дарга бөгөөд Улаанбаатар хотын Захирагч С.Амарсайхан өнгөрсөн шөнө /22:00-01:30 цагийн хооронд/ холбогдох албаны хүмүүсийн хамт Сонгинохайрхан дүүргийн 28 дугаар хороонд байрлах сайжруулсан шахмал түлшний борлуулалтын цэг болон дундын ха ..

Сэтгэгдэл бичих Цааш унших

Утаа мэдрэгчийг арванхоёрдугаар сард багтаан 167 мянган өрхөд үнэгүй олгоно
Нийтэлсэн: 2019-12-12 12:44:02

 

Сайжруулсан шахмал түлштэй холбоотой цаг үеийн асуудлаар өнөөдөр НОБГ-ын Гамшгаас урьдчилан сэргийлэх хэлтсийн дарга, хурандаа Г.Нэргүй, Нийслэлийн Мэргэжлийн хяналтын газрын Агаарын чанарын хяналтын хэлтсийн дарга Н.Шижир-Оргил, Нийслэлийн Агаарын бохирдо ..

Сэтгэгдэл бичих Цааш унших

Дуучин А.Нарандулам шинэ уран бүтээлээрээ бэлэг барьж байна
Нийтэлсэн: 2019-12-12 11:52:24

 

“Зун” продакшны артист дуучин А.Нарандулам өнгөрсөн намар DJ Хөхжимийн хамт “Заян наваа” хэмээх Буриад ардын дууг шинэчлэн, найруулан дуулж олны хүртээл болгож чадсан. Тэгвэл энэ удаа дуучин А.Нарандулам Монгол ардын уртын дуу “Бор борын бялзуухай”-г ш ..

Сэтгэгдэл бичих Цааш унших

Түлш борлуулах цэгүүдийг яаралтай түлшээр хангахыг хотын Захирагч үүрэг болголоо
Нийтэлсэн: 2019-12-12 09:42:21

 

Нийслэлийн онцгой комиссын 14 дүгээр хурал өнөөдөр боллоо. Хуралдааны эхэнд хотын Захирагчийн өмнөх хуралдаанаас өгсөн үүрэг даалгаврын хэрэгжилтийн талаар нийслэлийн Онцгой комиссын орлогч дарга, хурандаа Ж.Чүлтэмсүрэн мэдээлэл хийлээ. Тэрбээр мэдээлэлдээ ..

Сэтгэгдэл бичих Цааш унших

“Монгол хүн” хүмүүжлийн аяны III зөвлөгөөн боллоо
Нийтэлсэн: 2019-12-12 09:39:50

 

Нийслэлийн Иргэдийн Төлөөлөгчдийн хурал, нийслэлийн Засаг даргын Тамгын газар, нийслэлийн Боловсролын газар хамтран 2016 оноос эхлэн  нийслэлийн ерөнхий боловсролын сургууль, сургуулийн өмнөх боловсролын байгууллага, насан туршийн боловсролын төвүүдийн дун ..

Сэтгэгдэл бичих Цааш унших

Засгийн газрын ээлжит хуралдаан 2019 оны 12 дугаар сарын 11-ний өдөр болж дараах асуудлуудыг хэлэлцэн шийдвэрлэлээ
Нийтэлсэн: 2019-12-12 09:35:59

 

Товч мэдээ-  Газрын тос боловсруулах үйлдвэрийг түүхий эдээр тасралтгүй, найдвартай хангаж байх зорилгоор Бүтээгдэхүүн хуваах гэрээний дагуу газрын тосны хайгуул хийж байгаа аж ахуйн нэгжийг дэмжих, ажлыг нь эрчимжүүлэх, газрын тосны нөөцийг нэмэгдүүлэх зэ ..

Сэтгэгдэл бичих Цааш унших