Нууц мэдээллийн уурхай

Зөвлөлийн хуралдаанаар Нийслэлийн 152 хороонд “Соёлын элч” ажиллуулах журмыг дэмжлээ

Нийтэлсэн: 2019-08-02 10:21:35

 

Нийслэлийн Засаг даргын зөвлөлийн хуралдаан өчигдөр боллоо. Хуралдаанаар нийслэлийн 152 хороонд “Соёлын элч” ажиллуулах тухай журам болон Нийтийн тээврийн үйлчилгээний чанар, соёл хүртээмжийг сайжруулах чиглэлээр гарсан нийслэлийн Засаг даргын 2019 оны 01, Улаанбаатар хотын Ерөнхий менежерийн 02 тоот албан даалгаврын хэрэгжилтийн явцын тухай хэлэлцэв.

Зөвлөлийн хуралдаанд “Соёлын элч” ажиллуулах тухай журмын төслийн танилцуулгыг нийслэлийн Соёл урлагийн газрын даргын албан үүргийг түр орлон гүйцэтгэгч Э.Цэнд-Аюуш хүргэсэн юм.

Журмын төсөлд туссанаар нийслэлийн Засаг дарга бөгөөд Улаанбаатар хотын Захирагчийн батламжилсан төлөөлөгч нь тухайн хорооны нутаг дэвсгэрт ажиллаж, амьдарч буй иргэд, хүүхэд залуучууд олон нийтэд чиглэсэн соён гэгээрүүлэх үйл ажиллагааг зохион байгуулах сайн дурын ажилтан байх аж. Соёлын элчээр боловсрол, соёл урлаг, спорт, нийгэм хүмүүнлэг, эрдэм шинжилгээний чиглэлээр үйл ажиллагаа явуулж байсан ажлын туршлагатай, тухайн хороондоо нэр хүндтэй, олон нийтэд танигдаж хүлээн зөвшөөрөгдсөн иргэнийг сонгох юм байна. Нийслэлийн 152 хороонд Соёлын элч ажиллуулснаар хүүхэд хөгжил, хамгааллын асуудлыг шинэ түвшинд гаргах, залуучуудын хүмүүжил төлөвшилд эергээр нөлөөлөх, олон нийтийн эерэг хандлага, бүтээлч байдлыг нэмэгдүүлэх, хотын соёлыг түгээх зэрэг нийгмийн олон талт  чухал ач холбогдолтой юм.

Зөвлөлийн гишүүд уг асуудлыг хэлэлцэн, журмын төсөлд нэмэлт өөрчлөлт оруулах саналаа нэгтгэн, “Соёлын элч” ажиллуулах тухай журмын төслийг дэмжлээ.

Хуралдаанд танилцуулсан дараагийн асуудал нь Нийтийн тээврийн үйлчилгээний чанар, соёл хүртээмжийг сайжруулах чиглэлээр гарсан нийслэлийн Засаг даргын 2019 оны 01, Улаанбаатар хотын Ерөнхий менежерийн 02 тоот албан даалгаврын хэрэгжилтийн явцын тухай байв.

“НЗД-ын 01 тоот албан даалгаврыг хэрэгжүүлэх хүрээнд 48, Ерөнхий менежерийн 02 тоот албан даалгаврыг хэрэгжүүлэх хүрээнд 37 заалт бүхий үйл ажиллагааны нарийвчилсан төлөвлөгөө гарган баталж, Улаанбаатар хотын Захирагчийн ажлын албанаас долоо хоног бүрийн лхагва гараг тутамд хэрэгжилт, үр дүнг тооцож, ажлын хэсэг 13 удаа хуралдаж, гүйцэтгэл 90.5 хувьтай хэрэгжлээ. Албан даалгаврын үр дүнгээр шалгалт эхлэх үед нэг тээврийн хэрэгсэлд ногдох зөрчлийн тоо 2.5 байсан бол зургаадугаар сарын 27-ны байдлаар 0.9 болж буурсан үр дүнтэй байна” гэж Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр танилцуулав.

Нийтийн Тээврийн үйлчилгээний газрын орлогч дарга Х.Булгаа “Нийтийн тээврийн үйлчилгээнд иргэд U money цахим картаас гадна дурын банкны төлбөрийн карт болон үүрэн телефоны гар утас ашиглан төлбөрөө төлөх, зорчих боломжийг нэмэгдүүлсэн. Карт борлуулах U money үйлчилгээний 30 цэгээр карт борлуулж, хүртээмжийг нэмэгдүүлэхээр байршуулаад байна. Мөн нийтийн тээврийн үйлчилгээний чанар соёл, хүртээмж, тээврийн хэрэгслийн цэвэрлэгээний асуудлаар долоодугаар сард түүвэрчилсэн 170 хүнээс санал асуулга авахад 90 хувь нь буюу 150  иргэн “сайжирсан” гэж үнэлсэн” хэмээв. Мөн албан даалгаврын хэрэгжилтийн үр дүнгээс цаашид авч хэрэгжүүлэх зарим ажлын санал гаргаж байгаагаа хэлсэн юм.

Хотын Захирагч С.Амарсайхан “Нийтийн тээврийн үйлчилгээний чанар, соёл хүртээмжийг сайжруулах чиглэлээр өгсөн албан даалгаврын хэрэгжилтийн үр дүнг боломжийн байна гэж харж байна. Гэхдээ цаашид үйлчилгээний чанар стандарт, өнгө үзэмж, аюулгүй байдлыг илүү сайжруулахын төлөө хяналтаа тавьж ажиллах шаардлагатай. Бид энд албан даалгаврын хэрэгжилтийг дүгнэх нэг хэрэг. Харин иргэд нийтйин тээврийн үйлчилгээнд хэрхэн сэтгэл ханамжтай байгаагаар ажлаа дүгнэх нь зүйтэй” хэмээлээ.

Зөвлөлийн гишүүд уг асуудлыг хэлэлцэж, албан даалгаврын үр дүнг үндэслэн цаашид авч хэрэгжүүлэх санал гаргасан ажлуудыг хэрэгжүүлэхээр болон хурлын тэмдэглэл гаргасан юм.

Нийслэлийн ЗДТГ-ын Хэвлэл мэдээлэлтэй харилцах хэлтэс

Нийт сэтгэгдэл: 0
АНХААРУУЛГА

Уншигчдын бичсэн сэтгэгдэлд nuuts.mn хариуцлага хүлээхгүй болно. nuuts.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг nuuts.mn сайтад зочлон өөрийн санал бодлоо чөлөөтэй илэрхийлж байгаад баярлалаа.



Сэтгэгдэл бичих

Шинэ мэдээ

ХАБЭА-ЫН СУРГАГЧ БАГШ НАРЫГ БЭЛТГЭЖ ЭХЭЛЛЭЭ
Нийтэлсэн: 2020-07-09 16:39:16

 

ХНХЯ-наас БНСУ-ын Хөдөлмөрийн аюулгүй ажиллагаа, эрүүл ахуйн агентлагтай хамтран ХАБЭА-ын сургагч багшийн сургалтыг 2019 оны 12 дугаар сарын 16-20-ны өдрүүдэд  амжилттай зохион байгууллаа. Нийт 5 өдрийн 45 цагийн сургалтад холбогдох төрийн болон төрийн бус ..

Сэтгэгдэл бичих Цааш унших

"Дэлхийн ур чадварын тэмцээн- 2021" бэлтгэл ажил эхэллээ.
Нийтэлсэн: 2020-07-09 16:30:39

 

"Дэлхийн ур чадварын тэмцээн- 2021" бэлтгэл ажил эхэллээ.

Сэтгэгдэл бичих Цааш унших

“ХҮҮХЭД ХАМГААЛАГЧ” ТӨСӨЛ 2020 ОНД ХЭРЭГЖИНЭ
Нийтэлсэн: 2020-07-09 16:22:47

 

“ХҮҮХЭД ХАМГААЛАГЧ” ТӨСӨЛ 2020 ОНД ХЭРЭГЖИНЭ

Сэтгэгдэл бичих Цааш унших

БИЧИЛ УУРХАЙ ЭРХЛЭГЧДЭД ЗОРИУЛСАН НИЙГМИЙН ДААТГАЛЫН ТАНИЛЦУУЛГА ХУУДАС БОЛОВСРУУЛЖ ХЭВЛҮҮЛЭВ
Нийтэлсэн: 2020-07-09 16:14:06

 

БИЧИЛ УУРХАЙ ЭРХЛЭГЧДЭД ЗОРИУЛСАН НИЙГМИЙН ДААТГАЛЫН ТАНИЛЦУУЛГА ХУУДАС БОЛОВСРУУЛЖ ХЭВЛҮҮЛЭВ

Сэтгэгдэл бичих Цааш унших

Ажиллах хүчний шилжилт хөдөлгөөний тухай хуулийн төслийг өргөн барилаа
Нийтэлсэн: 2020-07-09 16:07:33

 

Ажиллах хүчний шилжилт хөдөлгөөний тухай хуулийн төслийг өргөн барилаа

Сэтгэгдэл бичих Цааш унших

САЙН ДУРЫН ҮЙЛ АЖИЛЛАГААНЫ СУРГАГЧ БАГШ БЭЛТГЭХ СУРГАЛТ ЗОХИОН БАЙГУУЛАГДЛАА
Нийтэлсэн: 2020-07-09 16:01:36

 

САЙН ДУРЫН ҮЙЛ АЖИЛЛАГААНЫ СУРГАГЧ БАГШ БЭЛТГЭХ СУРГАЛТ ЗОХИОН БАЙГУУЛАГДЛАА

Сэтгэгдэл бичих Цааш унших

"Хөдөлмөрийн аюулгүй байдал эрүүл ахуйн сарын аян-2020"
Нийтэлсэн: 2020-07-09 15:53:17

 

"Хөдөлмөрийн аюулгүй байдал эрүүл ахуйн сарын аян-2020"

Сэтгэгдэл бичих Цааш унших

ҮНДЭСНИЙ ХЭМЖЭЭНД ХАБЭА-Н АНХНЫ СУРГАГЧ БАГШ НАР БЭЛТГЭГДЛЭЭ
Нийтэлсэн: 2020-07-09 15:47:00

 

Хөдөлмөр, нийгмийн хамгааллын яам, БНСУ-ын Хөдөлмөрийн аюулгүй ажиллагаа, эрүүл ахуйн агентлаг болох Кошатай хамтран ХАБЭА-н сургагч багш бэлтгэх сургалт 12 сарын 16-20-ны өдрүүдэд боллоо.Сургалтыг БНСУ-ын талаас   профессор Жо Минхван, доктор профессор Бё ..

Сэтгэгдэл бичих Цааш унших

Т.Бадрахбаяр: Манай улс Япон улсын ажиллах хүч дутагдсан хоёр салбарт ажиллах хүний нөөц бүрдүүлээд байна
Нийтэлсэн: 2020-07-09 15:39:07

 

Япон улс ажиллах хүч дутагдаж эхэлсэн 14 салбартаа гадаад ажилтан авахаар зарласан. Ажиллах хүч татахаар сонгогдсон есөн орны тоонд орсноороо “Ур чадвартай ажилтан” хөтөлбөрийн үр өгөөжийг хүртэх боломж бидэнд жилийн өмнө бүрдсэн. Гэвч Засгийн газар хоорон ..

Сэтгэгдэл бичих Цааш унших

ХӨДӨЛМӨР, НИЙГМИЙН ХАМГААЛЛЫН САЛБАРТ ЮУ ХИЙЖ ХЭРЭГЖҮҮЛЭВ?
Нийтэлсэн: 2020-07-09 15:31:57

 

Засгийн газрын үйл ажиллагааны мөрийн хөтөлбөрт Хөдөлмөр, нийгмийн хамгааллын чиглэлээр олон чухал зорилтууд туссан. Эдгээр зорилтуудыг У.Хүрэлсүхийн тэргүүлсэн Засгийн газар бүрэн хэрэгжүүлэн ажиллаж байгааг танилцуулъя.  "Ахмад настны тухай" ху ..

Сэтгэгдэл бичих Цааш унших