Тамхи хэмээх чимээгүй тахлаар жил бүр Монгол Улсын 4000-5500 иргэн нас барж байгаа. Засгийн газрын зүгээс иргэдээ тамхидалт, тамхинаас үүдэлтэй нас баралтаас хамгаалах зорилгоор 2012 онд Тамхины хяналтын тухай хуулийг эрс чангатгаж, тамхийг бар, ресторан, нийтийн тээвэр, төрийн болон хувийн хэвшлийн дотоод орчинд татахыг хориглосон. Мөн тамхи худалдан борлуулдаг цэгийг эрс цөөлж, сургуулийн цэцэрлэгээс хааш хааш 500 метрийн радиуст худалдан борлуулахыг хориглосон хэр нь тамхидалт буураагүй.
Иймд тамхины хяналтын тухай хуульд дахин нэмэлт өөрчлөлт хийх ажлын хэсгийг 2022 оны хоёрдугаар сарын 14-ны шинээр байгуулаад байна. Гэвч тус ажлын хэсгийн нэр бүхий гишүүд тамхи худалдан борлуулдаг бүлэглэлийн лоббид өртсөн байж болзошгүй зохисгүй үйл ажиллагааг явуулж буй НУУЦ МАТЕРИАЛУУД нэвтрүүлгийн баг сурвалжиллаа.
