КУДС-ын захирал Ж.Солонго 2023-03-07 өдөр 2-р курсын оюутан, 19 настай, эрэгтэй Б-г сургуулийн үүдээр оруулахгүй хэмээн уурлаж, тодорхой шалгаангүйгээр зодож танхайрсан талаар сургуулийн оюутнууд мэдээллээ. Ж.Солонго захирал Б-ын нүүр лүү нь цохиж, шанаадаж, гар, хөл рүү нь өшиглөсөн гэдгийг нүдээр харсан эх сурвалж хэллээ.
Уг балмад үйлдлийг нүдээр харсан гэрч "Ж.Солонго захирал үдийн завсарлагаанаар сургуулийн хаалгаар гарч явсан оюутнуудыг ямар ч шалтгаангүйгээр буцаж оруулдаггүй. Хаалгаа түгчихдэг. Тухайн өдөр бид үдийн завсарлагаанаар гарч хоол идчихээд буцаж ирэхэд оруулахгүй хэмээн уурлаж, Б-г заамдаж угзчиж, хоолойг нь цамцаар нь боомилсон. Улмаар шанаан тус газар руу нь дөрвөн удаа цохиод толгойгоор нь хаалга мөргүүлсэн. Сургуулийн камерт бүх зүйл бичигдсэн байх ёстой. Ж.Солонго захирал гэмт хэргийн ул мөрөө баллахын тулд түүнийг устгасан байж магадгүй" гэсэн юм.
Ж.Солонго нь МОХС-ийн захирал асан Ж.Соронзонгийн төрсөн дүү бөгөөд Урлагийн гавьяат зүтгэлтэн цолтой нэгэн юм.
