Кино урлагийн дээд сургуулийн захирлаар ажилладаг, Урлагийн гавьяат зүтгэлтэн Ж.Солонго нь оюутнуудтайгаа зүй бус харьцаж, тэднийг хэл амаар доромжилж, зодож нүддэг гэх асуудал яригдсаар олон жил өнгөрсөн. Харин түүний гэмт үйлдлийг илчилсэн бичлэгийг нэгэн оюутан утсаараа бичиж чадсан нь өнөөдөр улс орон даяар шуугиан тарьж байна.
Энэхүү бичлэгт гарч үйл явдал 2022 оны 11 дүгээр сарын дундуур болжээ. Хохирогч оюутан үдийн завсарлагаагаар сургуулиасаа гарч хоол идчихээд буцаад иртэл сургуулийн хаалгыг дотроос нь түгжсэн байж.
Хичээл эхлэх цаг болох гээд байна. Яагаад хаалга түгжсэн юм бэ хэмээн жижүүрээс асуухад "Ж.Солонго захирал хаалга түгж гэсэн. Завсарлагаар гарсан оюутнуудыг битгий оруул гэж үүрэг өгсөн" хэмээн хэлж. Тиймээс харуулыг гуйж гувшин байж сургуулийн босгыг алхтал Ж.Солонго гүйхээрээ хүрч ирээд сургуулиас гар, зайл. Чи сургууль руу орж ирдэг хэн бэ гэхчлэнгээр хэлж зоджээ.
Уг зүй бус үйлдлийг харсан хохирогч хүүгийн ар гэрийнхэн уг асуудлыг үзээд шоконд орсон бөгөөд Ж.Солонгод хуульд заасан арга хэмжээ тооцуулахаар хөөцөлдөхөөр болсон гэдгийг эх сурвалж бидэнд хэллээ.
