Кино урлагийн дээд сургуулийн оюутнууд өнөөдөр буюу 2023 оны гуравдугаар сарын 20-ны өдөр Боловсрол, шинжлэх ухааны яам -ны сайд Энх-Амгалан Лувсанцэрэн -нд хаяглан Ж.Солонгод хариуцлага тооцож өгнө үү гэдэг гомдол гаргажээ. Уг гомдолд "Ж.Солонго захирал нь багш, ажилчин, оуютнуудтайгаа зүй бус харилцдаг. Оюутнуудаа амандаа орсон үгээрээ хараадаг. Сургуулийнхаа үүдийг сахиж суучихаад гарсан оюутныг оруулдаггүй, орсон оюутнуудыг гаргахгүй гэдэг. Оюутнуудын биед дураараа хүрдэг. Нүдэндээ таарсан эмэгтэй оюутныг өрөөндөө дуудаж кофегоо зөөлгөдөг. Биед нь хүрч бэлгийн дарамт үзүүлдэг. Эрэгтэй оюутнуудыг цохиж, зоддог. Сургуулийн номын сан гэж байдаг ч тэр нь ажилладаггүй. Сургуулийн үнэмлэх гэж ч байдаггүй. Багш нарыг дуртай үедээ хөөж халдаг учраас бид мэргэжлийн хичээлдээ сурч чадахгүй хохирдог. Бид төлбөрөө төлж сурч буй хэрнээ Ж.Солонго захирлын ажилтан шиг, барлаг шиг л байдалтай байна. Энэ хүнд хариуцлага тооцож өгнө үү" гэжээ.
