Чи Ша: Хайрт хань минь. Шүүхийн шийдвэр гарсан байна. Харамсалтай нь чи минь энэ сайхан мэдээг сонсож чадсангүй. Чамд энэ шүүхийн шийдвэрийг харуулъя. Чи минь санаа амар нойрсдоо. Монгол Улсын шүүх хэргийг үнэн, шударгаар шийдвэрлэж өглөө. Чиний минь харуусал зовлон ард хоцорлоо... Хэргийн учиг: БНХАУ-ын иргэн Жа Шао Вэн нь 2015 онд Ховд аймгийн Алтай суманд байрлах Богоч нэртэй уурхайд хөрөнгө оруулж, баяжуулах үйлдвэр бүхий гянт болдын уурхайг ашиглалтад оруулсан байдаг. Гэвч түүний итгэж түншилсэн Б.Төрмөнх гэгч нь явцын дунд урваж, түүний оруулсан бүх хөрөнгийг хууль бусаар өөрийнхөө нэр дээр хууль бусаар шилжүүлж хохироосон асуудлыг бид бүхэн НУУЦ МАТЕРИАЛУУД: ХЯТАДУУДЫГ МӨЛЖИХ АЖИЛЛАГАА нэвтрүүлгээрээ хүргэсэн. Нэвтрүүлгийг үзэх линк: https://fb.watch/jqMUgPV69U/ Энэ нэвтрүүлэг гарсны дараа дөрвөн жилийн сунжирсан шүүхийн маргаан нэг талдаа гарч Захиргааны хэргийн давж заалдах шатны шүүх БНХАУ-ын хөрөнгө оруулагчдад гянт болдын ордыг нь буцаан өгөх шийдвэрийг гаргасан юм. Харамсалтай нь энэ сайхан шийдвэрийг БНХАУ-ын хөрөнгө оруулагч Жа Шао Вэн сонсож чадсангүй. Тэрбээр өр зээлэнд баригдаж, сэтгэл санааны гүн хямралтай байсаар 2022 оны наймдугаар сард зүрхний шигдээс өвчнөөр нас барсан юм.
