Өдгөө УИХ-ын гишүүнээр ажиллаж буй Мөнхөөгийн Оюунчимэг 2009 онд ЗГХЭГ-ын Хэвлэл мэдээлэл, олон нийттэй харилцах албан даргаар ажиллаж байлаа.
Тэр үедээ М.Оюунчимэг дарга албан тушаалын эрх мэдлээ урвуулан ашиглаж, 17 настай хүү Б.Энхмөрөнгөө ЗГХЭГ-ын захиалгаар БНХАУ-ын Газрын тосны их сургуульд элсүүлж байв.
Уг сургуульд сурах сургалтын төлбөр 22,000 ам.долларыг мөн л албан тушаалын эрх мэдлээрээ далайлгаж Боловсролын зээлийн сангаас гаргуулсан.
Гэтэл хатагтай М.Оюунчимэг хүүгийнхээ зээлийг төлсөнгүй. Амьдралын боломж тааруу бусад хүүхдүүдэд ч боломж олгохыг бодсонгүй.
Боловсролын зээлийн сангаас зээл аваад ор сураггүй алга болсон 230 хүний нэрсийн жагсаалтын 179 дээр Баярсайханы Энхмөрөн гэдэг нэр байгаа. Тэр бол М.Оюунчимэг гишүүний хүү мөн.
М.Оюунчимэг гишүүн хүүдээ Боловсролын зээлийн сангаас зээл гаргуулахын тулд Ү-206010591 дугаартай орон сууцаа барьцаалсан байдаг.