Авлигатай Тэмцэх Газраас МОХС-ийн захирал асан Ж.Соронзонд холбох авлига, албан тушаалын гэмт хэргийг бүтэн нэг жилийн хугацаанд шалгаж дуусган, шүүхэд шилжүүлэн яллуулах саналаа 2023 оны нэгдүгээр сард Нийслэлийн Прокурорын Газарт хүргүүлсэн.
Гэвч уг саналыг хүлээн авсан “М.Очбадрах прокурор бүхэл бүтэн дөрвөн сарын турш хянаж байна гэх нэрийн дор дарлаа.
М.Очбадрах прокурор 11 хавтаст хэрэг бүхий материалыг 4 сар шалгаж дуусахгүй байна гэж байхгүй. Энэ хэргийг олон анхаарлаас холдуулж, мартагнуулах замаар замхруулах нь” хэмээн иргэд шүүмжилж байна.
Бид Улсын ерөнхий прокурорын газраас энэ хэрэг яагаад шүүхэд шилжихгүй удааширч байгааг тодруулахад “Яллагдагч Ж.Соронзонгийн өмгөөлөгчийн зүгээс энэ хэргийн талаар УЕП Б.Жаргалсайханд хаягласан өргөдөл гомдол гаргасан. Тухайн хэргийг Ерөнхий прокурор хянаад хэд хоногийн өмнө хяналтын прокурор руу нь шилжүүлсэн байгаа. Удахгүй хэрэг хэрхсэн талаар олон нийтэд мэдээлнэ” гэв.
