Бүгд найрамдах Солонгос Улс руу зорчих визтэй иргэд тус улсын хилийн шалганаар нэвтэрч чадахгүйгээр буцаж хөөгддөг явдал сүүлийн үед маш их болсон. Урьд шөнө (2023.09.16) л гэхэд БНСУ-ын хилийн шалган дээрээс 17 иргэн хөөгдөж буцсан бөгөөд мөн түүний араас 19 иргэн маань хөөгдөөд ирж байгаа гэх харамсалтай мэдээлэл байна. Харин энэхүү зүй бус үйлдэл таслан зогсоогдох бүрэн боломжтой бөгөөд Монгол Улсын төрийн эрх дархыг эдэлж буй БНСУ дахь консулууд ажлаа хийхгүй байгаагаас л энэ бүр даамжраад байгаа гэдгийг БНСУ-д иргэдийн эрхийг хамгаалах чиглэлээр тууштай ажиллаж буй Н.Аззаяа хэлж байна. Монголын төр Н.Аззаяа шиг чин сэтгэлтэй, хичээл зүтгэлтэй, Монгол иргэнийхээ төлөө цохилох зүрхтэй хүмүүстээ тэрхүү эрх мэдлээ өгдөггүй юм бол?
