Хөдөлмөр, Нийгмийн Хамгааллын Яамны харьяа БНСУ дахь Хөдөлмөр, нийгмийн хамгааллын үйлчилгээний төвийн дарга Дулмаа овогтой Баярмандах нь ажлын байран дээрээ удаа дараа архидалт зохион байгуулсан, төрийн албан байгууллага дотор хүүхдийн сэвлэг үргээх ёслол зохион байгуулсан, 6 хүртэлх сарын цалингаа урьдчилж өөртөө олгосон, татвар төлөгчдийн мөнгөөр гар утасныхаа төлбөрийг төлүүлсэн зэрэг олон олон асуудлыг НУУЦ МАТЕРИАЛУУД нэвтрүүлгийн баг илчилсэн билээ.
Уг нэвтрүүлэг гарсны дараа Д.Баярмандахыг ажлаас нь хална гэдгээ ХНХЯ-ны сайд Bulgantuya Khurelbaatar мэдэгдсэн бөгөөд улмаар түүний ажлыг 2023.11.02-ны өдөр албан ёсоор хүлээлцүүлжээ.
Д.Баярмандах ажлаа хүлээлцэх үеэрээ сэтгэл зүйн гүн хямралд орж, хөл алдан гуйвж унасан гэдгийг ХНХЯ-ны эх сурвалж хэллээ.
БНСУ дахь Хөдөлмөр, нийгмийн хамгааллын үйлчилгээний төвийн хэд хэдэн албан тушаалтан ажлын байран дээрээ архидан согтуурч буй зураг бичлэг бидний нэвтрүүлэгт гардаг бөгөөд тэдгээр хүмүүст харин сахилгын ямар арга хэмжээ тооцох нь одоогоор тодорхойгүй байгаа юм.
