"НУУЦ МАТЕРИАЛУУД" эрэн сурвалжлах нэвтрүүлгийн баг 2023 оны есдүгээр сард БНХАУ-ын хөрөнгө оруулагч "Хуашин констракшн Монгол" ХХК-ийг Монголын иргэн А.Бат-Эрдэнэ, тойргийн нотариатч Б.Нарантуяа, УБЕГ-ын нэр бүхий албан тушаалтнууд үгсэн хуйвалдаж, 14,000 мкв үл хөдлөх хөрөнгийг нь дээрэмдсэн маш ноцтой асуудлыг олон нийтэд дэлгэсэн.
Уг нэвтрүүлгийн дараа Хууль зүй, дотоод хэргийн сайд Б.Энхбаяр нь БНХАУ-ын хөрөнгө оруулагчдыг хүлээн авч уулзаж, УБЕГ-т томоохон хэмжээний шалгалт оруулахад тус байгууллагын нэр бүхий албан тушаалтнууд үгсэн хуйвалдсан нь тогтоогдсон байна.
Иймд дээрх албан тушаалтнуудад хариуцлага тооцож, хууль бусаар булаагдсан Аюуд тауэрын үл хөдлөх хөрөнгөнүүдийг "Хуашин констракшн Монгол" ХХК-д буцаан олго хэмээх үүргийг Хууль зүйн сайд Б.Энхбаяр УБЕГ-т өгсөн байна.
