Монгол Улсын төрийн өмчийн "Тавантолгой төмөр зам" ХХК-ийн удирдах албан тушаалтнууд ажлын байран дээрээ архидан согтуурч, завхайрч байна гэдэг бичлэг цахим орчинд цацагдсан даруй улс орон даяар шуугиан тариад байна.
Тус үйл явдал нь 2023 оны арваннэгдүгээр сарын 24-ний шөнө болсон байх бөгөөд "Тавантолгой төмөр зам" ХХК-ийн Санхүү, төлөвлөлтийн газрын дарга Ж.Баатарсүрэн, нягтлан бодогч Ж.Нэмэхбаяр, Сургалтын мэргэжилтэн Ц.Болорсувд, Захиргаа удирдлагын газрын дарга М.Гансэлэм, Захиргаа хэлтсийн дарга Ц.Цогтжаргал нар шөнө турш согтуурсан мэт байдалтай ажлын байран дээрээ холхиж, Захиргаа удирдлагын газрын дарга М.Гансэлэм нь дотуур өмд, мөртэй майктайгаа кордороо алхаж буй дүрс гардаг.
Уг бичлэг гарсан даруйд "Тавантолгой төмөр зам" ХХК-иас мэдэгдэл гаргаж, уг бичлэгт гарсан бүх хүнийг ажлаас нь халж буйгаа мэдэгдсэн юм.
