Ард түмнээ хайрлая намын даргын нөхөр Ламжавын ГҮНДАЛАЙ Зайсан толгойг тойрон 11 газар авсан баримтыг бид цуврал нэвтрүүлгээрээ харуулсан.
Харин тэрбээр дөнгөж сая Нийслэлийн хот байгуулалт хөгжлийн газрын мэргэжлийн зөвлөлийн хурлаар Зайсан толгойн зүүн талд байрлах газар дээрээ 6 давхар барилга барих зөвшөөрлөө авсан гэх мэдээллийг нэрээ нууцлахыг хүссэн эх сурвалж ирүүллээ.
Л.Гүндалай нь өөрийн төрсөн эгчийнхээ хүүхэд болох О.Одсүрэнгийнхээ нэр дээр уг газрыг эзэмших эрхийг авсан бөгөөд Тусгай хамгаалалттай газар нутгийн тухай хуульд заасны дагуу байгалийн унаган төрхийг эвдэн сүйтгэхгүйгээр ашиглах эрхтэй байдаг.
Гэвч тэрбээр энэхүү барилгаа барихын тулд Зайсангийн зүүн талыг там болтол ухаж сүйтгэх нь тодорхой болоод байна.
