Зариг.мн сайтын сэтгүүлч Н.Өнөрцэцэгийг шүүх хурал өнөөдөр 09:00 цагаас Сүхбаатар дүүргийн эрүүгийн хэргийн анхан шатны шүүхэд товлогдсон.
Уг шүүх хурлыг нээлттэй явуулах шаардлагыг Монголын сэтгүүлчдийн нэгдсэн эвлэл болон хэвлэл мэдээллийн олон байгууллагад шаардсан хэдий ч Сүхбаатар дүүргийн эрүүгийн хэргийн шүүх уг шаардлагыг хүлээн авахаас татгалзаж, бүрэн хаалттай явуулах шийдвэр гаргаснаа мэдэгдсэн юм.
Сэтгүүлч Н.Өнөрцэцэгийн хувьд гэм буруутай нь тогтоогдоогүй атлаа "68 хоногийн турш ШШГЕГ-ын харьяа Цагдан хорих 461-р ангид хоригдож, улмаар гэрийн хороонд дөрвөн сар хоригдсон тул өөрт авагдсан таслан сэргийлэх арга хэмжээг өөрчилж өгөөч. Эрүүл мэндийн шалтгаанаар би гэрийнхээ ойролцоо гармаар байна" хэмээх хүсэлтээ гаргасан боловч шүүгч уг хүсэлтийг хүлээн авахаас татгалзжээ.
Өнөөдрийн шүүх хурал хойшилсон шалтгаан нь "Сэтгүүлч Н.Өнөрцэцэгт холбогдуулан гомдол гаргаад байсан иргэн Ц.Гаравжавын өмгөөлөгч хэргийн материалтай танилцмаар байна гэх хүсэлт гаргасан. Мөн иргэн Ц.Гарамжав уг шүүх хуралд биечлэн оролцох хүсэлтээ гаргасныг шүүх хангаж шийдвэрлэжээ.
