Нийслэлийн иргэдийн төлөөлөгчдийн хурал 2024 оны нэгдүгээр сард хуралдаж 2-р дугаартай тогтоолоороо "ХӨДӨӨ ОРОН НУТГИЙН ДУГААРТАЙ АВТОМАШИНААС ХОНОГ ТУТАМ 5000 ТӨГРӨГИЙН ТӨЛБӨР АВАХ" шийдвэрийг гаргасан.
Уг шийдвэр дагуу хөдөө орон нутгийн автомашины дугаартай иргэн Улаанбаатар хотод орж ирээд 48 цаг хүртэлх хугацаанд 2000 төгрөгийн хураамж, үүнээс цааших хоног тутамд 5000 төгрөгийн зам ашигласны төлбөр хураамжийг төлөхөөр баталсан юм.
Энэхүү шийдвэр 2024 оны есдүгээр сарын 01-ээс хэрэгжих байсан ч орон нутгийн сонгууль болсонтой холбогдуулан түр хойшлуулаад байсан бөгөөд өчигдрөөс хэрэгжүүлж эхэлжээ.
Хөдөө орон нутгийн дугаартай автомашинтай иргэн Улаанбаатар хотын постоор орж ирэх үед дугаарыг нь камер таньж бүртгэснээр тоолуур гүйж эхлэх бөгөөд 48 цаг болсон даруйд тухайн автомашиныг эзэмшигчийн бүртгэлтэй гар утасны дугаар руу нь өнөөдрөөс эхлэн 130092 тусгай дугаараас смс илгээж эхэлжээ.
Хэрвээ та хотод 10 хоног байвал 50,000, 100 хоног байвал 500,000 төгрөгийн төлбөр тан дээр бичигдэнээ гэсэн үг.
