Улсын бүртгэлийн ерөнхий газар-ын нэр бүхий бүртгэгч нар үгсэн хуйвалдаж БНХАУ-ын хөрөнгө оруулагчийн онц их хэмжээний хөрөнгийг хууль бусаар бусдад шилжүүлсэн дээрэмдсэн асуудлыг миний бие нотлох баримттайгаар өнгөрсөн намар илчилж байлаа.
Маш ноцтой, илтэд хууль бус энэ үйлдлийг шалгах ажлын хэсгийг Хууль зүй, дотоод хэргийн яамны сайд Баттөмөрийн Энхбаяр 2024 оны хавар байгуулж шалгуулахад маш ноцтой зөрчил илэрсэн тул Хууль бус бүртгэлийг нэн даруй хүчингүй болгож, БНХАУ-ын хөрөнгө оруулагчдаас булаасан хөрөнгийг нь буцаан олго хэмээх чиглэлийг Д.Дэлгэрсайхан даргад өгч байв.
Гэтэл Д.Дэлгэрсайхан нь Хууль зүйн сайдынхаа өөдөөс шийдвэрийг биелүүлэхгүй, хууль бус бүртгэлийг засахгүй байсаар өнөөдрийг хүрсэн юм.
Гэвч цаг цагаараа байсангүй, цахилдаг хөхөөрөө байсангүй. Хууль бус үйлдлийг хаацайлан хамгаалж гаршсан Д.Дэлгэрсайхан нь ажлын байран дээрээ архидан согтуурж, улмаар өөрийнхөө шууд удирдлага дор ажилладаг Б.Төгс-Эрдэнийн нүүрэн тус газарт цохиж, зодон гэмтэл учруулсан хэргээр чөлөөлөгдлөө.
