Ж.Соронзонгийн хуучин гутал, хувцсыг багш ажилтнуудад хүчээр зарах ажлыг хийдэг гол хүн бол тус сургуулийн бага ангийн хичээлийн эрхлэгч А.Ю.Дабаева мөн болохыг илчилсэн аудио бичлэгийг бид өмнө мэдээлсэн.
Ж.Соронзон захирлын 170 ширхэг хуучин хувцсыг 32,000,000 төгрөгөөр багш ажилтнуудад хүчээр зарах ажлыг зохион байгуулсныхаа шагналыг А.Ю.Дабаева эрхлэгч тун боломжийн байдлаар хүртдэг болохыг илчилсэн мэдээлэл манай сайтад ирлээ.
А.Ю.Дабаева эрхлэгч Ж.Соронзонгийн хуучин хувцсыг өндөр үнээр зарж борлуулсныхаа шагнал Монгол-Оросын хамтарсан гуравдугаар сургуульд өөрийн нөхөр А.В.Ирдыниев, хүргэн Р. О.Гармаев, төрсөн дүү А.Ю.Гармаева бүр хүргэнийхээ төрсөн дүүг хүртэл ажилд оруулж чадсан гэдгийг эх сурвалж хэлж байна.
А.Ю.Дабаева эрхлэгчийн төрсөн дүү, хүргэн хоёр нь багш мэргэжил эзэмшээгүй мөртлөө тус сургуульд багшаар ажилд орж улмаар цахим сургалтад суух байдлаар багшлах эрхийн дипломтой болсон гэдгийг баттай эх сурвалж хэллээ.
А.Ю.Дабаева эрхлэгч Ж.Соронзонгийн хуучин гутлын үзэсгэлэн худалдааг өөрийнхөө өрөөнд тогтмол зохион байгуулсныхаа шагнал болгож, өөрийн төрөлх тосгон болох ОХУ-ын Буриад Улсын Джида районы
- Мурхонова Н.В.
- Содномова Е.В.
- Кузнецова Л. Н.
- Цыденова А. С.
- Борисова
- Бутакова
- Галсанова Т. Э.
- Отсорова Е. А.
- Банзарагцаева О. С.
- Раднаева Г. Д.
- Юртагина Б.
- Батуев З.Б.
- Отсоров С. Б.
- Цибикдоржиева Е. Л.
- Юртагина Б.
- Южиков И.
- Цыденов Б нарын 17 хүнийг Монгол-Оросын хамтарсан гуравдугаар сургуульд ажилд оруулж дөнгөсөн байна.
Ж. Соронзон захирал хэвлэлд ярилцлага өгөх бүрдээ бид ОХУ-ын олон том хотоос өндөр мэргэжлийн багш нарыг сонгон шалгаруултаар авдаг гэж ярьдаг. Гэвч бодит байдал дээр бага ангийн хичээлийн эрхлэгч Дабаева А. Ю өөрийнхөө төрөлх тосгоныхоо танилуудыг ажилд авч байсны хамгийн том баримт нотолгоо энэ юм.
Монгол Улсад төрийн албан тушаалтнууд өөрсдийнхөө ах, дүү, хамаатан садан, нутаг нуга, найз нөхөд, хүргэн, бэрээ ажилд авахыг Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулиар хориглодог.
Харин тэгэхэд залилангийн гэмт хэргээр ОХУ-д эрэн сурвалжлагдаж байсан гэх А.Ю.Дабаева эрхлэгч Монгол-Оросын хамтарсан гуравдугаар сургуулийг энэ мэтчилэн өөрийн хамаарал бүхий хүмүүсээрээ дүүргэсэн нь анхаарал татаж байна.
