Нууц.мн мэдээллийн сайт "Ж.Соронзон нь МОХС-ийн бага ангийн хичээлийн эрхлэгч Аюна Дабаеватай үгсэн ОХУ-аас Монгол Улсад ирж ажиллаж буй 170 гаруй багш нарт өөрийнхөө хуучин хувцсыг хүчээр зарж буйг илчилсэн хоёр удаагийн аудио бичлэгийг дэлгэсэн" нь Монголд төдийгүй ОХУ-ын Буриад улсад шуугиан тариад байгаа.
Уг бичлэг олон нийтэд хүрсний дараа ОХУ-ын прокурорын газраас Аюна Дабаевад эрүүгийн хэрэг нээж, хохирогч багш нараас гэрчийн мэдүүлэг авах ажлыг нэн шуурхай горимоор явуулж байгаа билээ.
Гэтэл Монгол Улсын АТГ-ынхан шинээр дэлгэгдсэн нотлох баримтыг үл хэрэгсэж, өнгөрсөн өвөл шалгаад хэрэгсэхгүй болгон хаасан гэдэг үндэслэлээр Ж.Соронзон болон Аюна Дабаева нарыг шалгасангүй.
БШУЯ-ны харьяа Монгол-Оросын хамтарсан 3-р сургуулийн захирал Ж.Соронзонгийн авлига, албан тушаалын гэмт хэргийг шалгуулах хүсэлтийг миний бие 2022 оны хоёрдугаар сарын 15-ны өдөр АТГ-т гаргаж, 67 хуудас нотлох баримтын хамт хүлээлгэн өгсөн билээ.
Уг хүсэлтийн дагуу АТГ-аас Ж.Соронзон нарт хэрэг бүртгэлийн хэрэг нээн шалгалтын ажлыг даруй таван сарын турш хийсний эцэст "Ж.Соронзонг шалгаж байгаа" гэдэг хариултыг ирүүлжээ.
АТГ Ж.Соронзонг шалгах ажлыг хэт назгай, удаан хойрго хийж байх хугацаанд "Ж.Соронзон нь МОХС-ийн данснаас 224 сая төгрөгийг өөрийн төрсөн дүү Ж.Содбилэгтийн ЭРХГА ХХК руу 2022.04.01-ний өдөр дахин шилжүүлсэн" ноцтой зөрчлийг гаргаад байгаа юм.
