Л.Оюун-Эрдэнийн Засгийн газар 2022.04.13-ны өдөр Кью Эс Си ХХК-ийн хэрэгжүүлж байсан ган хайлуулах үйлдвэрийн бүтээн байгуулалтыг таслан зогсоосон.
Хэрвээ уг ажил зогсоогүй байсан бол Монголчууд 2024 оноос эхлэн анх удаагаа төмрийн хүдрийг дотооддоо хайлуулж, жилд 350,000 тонн ган бүтээгдэхүүнийг үйлдвэрлэдэг үйлдвэртэй болох байлаа.
Ингэснээр Монгол Улс арматурын хэрэгцээг дотоодоосоо бүрэн хангадаг болж, жил бүр БНХАУ руу урсдаг 200,000,000 ам.долларын урсгалыг нэмүү өртөг шингэсэн бүтээгдэхүүн болгож дотооддоо үлдээх боломж бүрдэх байв.
Л.Оюун-Эрдэнийн Засгийн газар сүүлийн үед улс орны томоохон бүтээн байгууллалтыг зогсоосон хүмүүсээс хариуцлага нэхэж, алдагдсан боломж гэх нэртэй асар их мөнгийг нэхэмжилж, цагдаа шүүхэд өгөхөө мэдэгдээд байгаа.
Харин тэгвэл Л.Оюун-Эрдэнийн Засгийн газар өөрсдийнхөө буруутай шийдвэрээр үндэсний томоохон үйлдвэрийг зогсоосон хариуцлагаа хүлээх үү гэдгийг энэхүү контентоороо асууж байна.
