МОХС-ийн хичээлийн байр болон тус сургуулийн багш нарын байрыг ОХУ-д үнэ төлбөргүйгээр шилжүүлэх саналыг “Дэлхийн боловсролыг таны хүүхдэд” ГҮТББ-аас УИХ-ын дарга Г.Занданшатар, ОХУ-аас Монгол Улсад суугаа элчин сайд Азизов Искандер Кубарович болон ОХУ-ын хилийн чанад дахь өмчийн удирдлагын төлөөлөгчийн газарт хаяглан илгээсэн асуудлыг МОХС-ийн захирлын үүргийг түр орлон гүйцэтгэгч Б.Болороос тодруулахад “Манай сургуулийн төсвийн 80 хувийг бүрдүүлдэг гэдэг утгаараа эцэг, эхчүүдийн цөөн төлөөлөл нэгдэн “Дэлхийн боловсролыг таны хүүхдэд” ГҮТББ-ыг байгуулсан байсан. Энэ байгууллага гэхдээ манай сургуультай ямар ч хамааралгүй байгууллага гэдгийг юуны түрүүнд хэлье. Тус байгууллага УИХ-ын даргад хаяглан ямар нэгэн албан бичиг, санал илгээх нь тэдний эрхийн асуудал мөн ч гэлээ ОХУ-аас Монгол Улсад суугаа Элчин сайд болон бусад байгууллагад уг саналаа явуулсан нь хэрээс хэтэрсэн үйлдэл мөн. Ийм албан бичиг явуулсныг би сая танаас л сонслоо” гэв.
МОХС-ИЙН ЗАХИРЛЫН ҮҮРЭГ ГҮЙЦЭТГЭГЧ Б.БОЛОР: МОХС-ИЙГ ОХУ-Д ШИЛЖҮҮЛЭХ БИЧГИЙГ ХИЛИЙН ЧАНАДАД ИЛГЭЭСЭН НЬ ХЭРЭЭС ХЭТЭРСЭН ҮЙЛДЭЛ
