“Эх орноосоо урвагч” хэмээн олон нийтэд шүүмжлүүлж буй Т.Бат-Эрдэнэ 2013 оны арваннэгдүгээр сарын 09-ний өдөр Зайсан байрлах “Golden dragon” хэмээх ресторанд төрсөн өдрөө тэмдэглэх үеэрээ тавагтай хоолноос тамхины иш гарлаа гэдэг шалтгаанаар уг рестораны тогоочийг зодож, цагдаагийн байгууллагад шалгагдаж байсан нэгэн юм.
Энэ үедээ тэрбээр Үйлдвэр, хөдөө аж ахуйн яамны Стратеги, бодлого төлөвлөлтийн хэлтэст референтаар ажилладаг байсан бөгөөд “Би МоАХ-ны том хүн шүү. Миний багш Хууль зүйн сайд Х.Тэмүүжин. Та нарыг ална шүү” хэмээн заналхийлэн хашхирч байсныг www.factnews.mn сайт тухайн үед мэдээлж байв.
2013 онд Үйлдвэр, хөдөө аж ахуйн сайдаар МоАХ-ны ерөнхийлөгч Х.Баттулга ажиллаж байсан бөгөөд Т.Бат-Эрдэнийг Х.Баттулга дээрх албан тушаалд томилуулж байж. Өнгөрсөн зун Т.Бат-Эрдэнэ Дундговь аймагт Монгол Улсын Ерөнхийлөгч Х.Баттулгын тамгын газрын даргаар ажиллаж байсан Ө.Шижирийн машиныг барьж үйлчилж явж явсныг эх сурвалж хэллээ.
Монгол Улсын төрийн өмчийн МОХС-ийг ямар ч үнэ төлбөргүйгээр ОХУ-д шилжүүлж өгье гэдэг асуудлын цаад захиалагч нь МоАХ-ны эрх бүхий албан тушаалтан байж магадгүй хэмээх таамаг үүнээс урган гарч байна.
Т.Бат-Эрдэнэ нэг хэсэг өөрийгөө “С.Баярцогт судлаач” хэмээн нэрийдэж, түүнийг таван жилийн турш судлаж буй тухайгаа хэвлэл мэдээллийн хэрэгслүүдээр ярьж явсан бөгөөд 2016 оны сонгуульд С.Баярцогтын нэр дэвшсэн УИХ-ын 25-р тойрог буюу Сэлэнгэ аймагт “Тусгаар тогтнол, эв нэгдэл эвсэл”-ээс нэр дэвшиж байсан нэгэн юм.
