Ерөнхийлөгч Х.Баттулгын Тамгын газрын зохион байгуулалтын хэлтсийн даргаар ажиллаж байгаад ЗХЖШ-ын Зэвсэгт хүчний Бүтээн байгуулалтын дэмжлэгийн газрын даргаар томилогдсон Д.Жаргалсайхан нь АОДЭ гэдэг БНХАУ-ын хөрөнгө оруулалттай компанитай 10,466,246,413 төгрөгийн шууд худалдан авалтын гэрээг байгуулж байж. Төмөр замын бүтээн байгуулалтад оролцож буй цэргийн алба хаагчдад нэг талхыг бүр 20,000 төгрөгөөр бодож гэрээлсэн тохиолдол ч бий.
Х.Баттулгын орон тооны бус зөвлөх хийж байгаад УИХ-ын болсон А.Адъяасүрэн БНХАУ-ын иргэдтэй нийлж нүүрс тээврийн гурван ч компанийг байгуулж байж. Тэдгээр компанидаа С зөвшөөрөл олгохын тулд АТҮТ-ийн албан хаагчид 100,000 ам.долларын хахууль өгсөн гэх асуудал нь гэнэт л нам дарагдсан.
