2022 оны наймдугаар сарын 18-ны өдөр П.Цэцэгмаа эгч манай Нууц.МН сайтад маш ноцтой ярилцлага өгч байлаа.
"Одоогоос зургаан жилийн өмнө буюу 2017 оны зургадугаар сарын 29-ний өдөр "ИХ БҮРД" зочид буудал хийгээд Сод Монгол групп ХХК-ийн буруутай үйл ажиллагааны улмаас 22 настай охин минь тогонд цохиулж харамсалтайгаар амь эрсэдсэн.
Уг хэргийг Чингэлтэй дүүргийн цагдаагийн хэлтсийнхэн бүхэл бүтэн 6 жил шалгаж байгаа бөгөөд гэм буруутай этгээдүүд одоог хүртэл хуулийн хариуцлага хүлээгээгүй.
Хүний амь хохирсон ноцтой хэргийг шалгаж буй мөрдөгчид өнгөрсөн хугацаанд маш олон удаа солигдсон бөгөөд нэг мөрдөгч нь надтай уулзаад "Энэ хэргийг би шударгаар шалгах гэж зөндөө л үзсэн. Даанч дарга нар наад хэргээ удаашруул, хөөн хэлэлцэх хугацаа нь дуусах хүртэл хойшлуул" гээд шалгуулахгүй байна" хэмээн ярилцлага өгсөн.
Энэхүү ярилцлагын дараа П.Цэцэгмаа гуайн гаргасан гомдлыг шалгах ажил маш шуурхай хөдөлсөн бөгөөд Чингэлтэй дүүргийн цагдаагийн газраас "Их бүрд" ХХК-ийн удирдлагыг яллагдагчаар татаж, шүүхэд шилжүүлэх саналыг 2022.10.27-ны өдөр Чингэлтэй дүүргийн прокурорын газарт хүргүүлсэн гэдгийг баттай эх сурвалж хэллээ.
