МОХС-ийн захирал асан Ж.Соронзонд Эрүүгийн хуулийн 22.1-ээр яллах дүгнэлт үйлдэж, яллуулахаар өнгөрсөн долоо хоногт Сүхбаатар дүүргийн эрүүгийн хэргийн шүүх рүү хэргийг шилжүүлсэн болохыг албаны эх сурвалж хэллээ.
Монгол-Оросын хамтарсан 3-р сургуулийн захирал Ж.Соронзон нь өөрийн төрсөн дүү Ж.Содбилэгтийн нэр дээр бүртгэлтэй "ЭРХГА" хэмээх компанитай "түрээсийн гэрээ" гэгчийг байгуулж, төрийн өмчийн сургуулийн төсвийн бус хөрөнгөнөөс 2015-2021 оны хооронд 46 удаагийн үйлдлээр 5,805,394,261 төгрөгийг шилжүүлж, их хэмжээний мөнгийг шамшигдуулан завших ноцтой зөрчил гаргасан байна.
Мөн өндөр насны тэтгэвэрт суусан өөрийн нөхөр Н.Лүндэндоржийг сургуульдаа нийгмийн багшаар ажилд авч, сар бүр 4,500,000-10,868,000 төгрөгийн цалинг олгосон гэмт үйлдлийг хийж байсныг АТГ-аас хөдөлбөргүй шалгаж тогтоосон байна.
