Монгол Улсад ардчилал тогтсоноос хойших 33 жилийн хугацаанд чөлөөт хэвлэл рүү дайрах, нухчин дарах гэсэн тэмцэл өмнө байгаагүй өргөн цар хүрээтэй явагдаж эхэллээ. www.neguun.mn сайтын сэтгүүлч Б.Анхбаярыг сар гаруйн өмнө хойшлуулашгүйгээр баривчилж, цагдан хорьж байсан бол одоо тус сайтын эрхлэгч Л.Баяржаргалыг цагдан хорих гэсэн ажиллагаа эрчимтэй өрнөж эхэллээ. Хэрвээ сэтгүүлчийн мэргэжлийн үйл ажиллагаанд шууд халдаж, эрх чөлөөг нь хязгаалаад эхэлбэл энэ улсад үнэнийг илчлэх хүн үгүй болно. Ардчилал устах бодит аюул бий болно. Сэтгүүлчийн эрх, эрх чөлөөнд халдаж буй эсрэг мэргэжлийн холбоо нь дуу хоолойгоо өргөж, хэвлэл мэдээллийн байгууллагууд иргэд та бүхэн нэгдэн нийлэхийг уриалж байна. Сэтгүүлч хүн ямар ч айдасгүйгээр ажлаа хийж байгаа цагт энэ улсад ардчилал, шударга ёс амь бөхтэй байсаар байх болно.
