МОХС-ийн захирал асан, яллагдагч Ж.Соронзон БНСУ-д явж байгаа зураг мэдээлэл бидэнд ирлээ. Тэрбээр өөрийн төрсөн дүү Ж.Содбилэгтийн нэр дээр бүртгэлтэй "ЭРХГА" хэмээх компанитай "түрээсийн гэрээ" гэгчийг байгуулж, төрийн өмчийн сургуулийн төсвийн бус хөрөнгөнөөс 2015-2021 оны хооронд 46 удаагийн үйлдлээр 5,805,394,261 төгрөгийг шилжүүлж, их хэмжээний мөнгийг шамшигдуулан завших ноцтой зөрчил гаргасныг Авлигатай Тэмцэх Газар -аас тогтоож, түүнд яллах дүгнэлт үйлдэн яллуулах саналаа прокурорын газарт хүргүүлээд байхад БНСУ руу явсан нь олны шүүмжлэлийг дагуулж байна.
Ж.Соронзонгийн авлига албан тушаалын гэмт хэргийг АТГ-аас шалгаж дуусаад яллагдагчаар татан хилийн хориг тавиулах саналаа Нийслэлийн прокурорын газрын хяналтын прокурор М.Очбадрахаар уламжлан шүүхэд гаргасан хэдий ч шүүх уг саналыг нь хэрэгсээгүй байна.
