Тэмээтэй хөшөөтэй уулзварын зүүн талд ШАРК Ц.БАТБААТАР барилга барина хэмээн хашаа хатгаж, барилгын суурь ухсанаас хойш даруй хоёр жил өнгөрөөд байгаа.
Энэхүү барилгын нүх энэ зуны усархаг бороонд хэдэнтээ дүүрч хальсан бөгөөд үүний улмаас хөрсний нуралт үүсч, ойр хавийн барилгуудыг цахилгаанаар хангадаг 10 гаруй өндөр хүчдэлтэй цахилгааны утсуудыг ил гаргасныг та бүхэн харж байна.
Хэрвээ уг цахилгаан утаснуудын аль нэгэнд нь л бага зэргийн шалбархай үүсэх төдийд уг хашааны ойролцоо болон хажуугаар явж буй хүмүүс тогонд цохиулж, газар дээрээ амь насаа алдах нь тодорхой. Гэтэл ШАРК Ц.БАТБААТАР энэ зөрчлөө засахыг хүссэнгүй.
Иргэд шаардлага тавихаар нохой хуцахын чинээ ч тоохгүй байгаа бөгөөд ил гарсан өндөр хүчдэлийн кабелуудыг төмөр хашаанаас олсоор дүүжлэн додомджээ.
Олон мянган хүний амь насанд ноцтой аюул заналхийлэл учруулж буй энэхүү үйлдлийн талаар нэгэн иргэн УБЦТС компанид гомдол гаргасан боловч хоёр ажилтан нь ирж үзчихээд ямар ч арга хэмжээ авахгүй буцаад явжээ. ШАРК Ц.БАТБААТАР нь асар их хөрөнгө мөнгөтэй, улс төрд нөлөө бүхий танил талтай учраас түүний энэхүү зүй бус үйлдэлд хариуцлага тооцож чадах ямар ч эрхэм энэ улсад байхгүй гэдгийг эх сурвалж хэллээ.
