ХУД-ийн 23-р хорооны нутаг дэвсгэр, Богдхан уулын нүхтийн ам руу автозам тавина хэмээн хуучин замыг нь хуулснаас хойш даруй 10 хоног өнгөрлөө.
Гэвч зам тавина хэмээн хуучин замыг хуулсан компани нь намрын дулаахан өдрүүдэд ажлаа огт явуулсангүй. Хуулсан замынхаа суурийг ухаж, аюултай нөхцөлийг бүрдүүлсэн хэрнээ уг замаа тавихаар сүүлийн 10 гаруй хоногийн хугацаанд ганц хүн, нэг ч техник хэрэгсэл авчраагүй гэдгийг оршин суугчид хэлж байна.
Хэрвээ уг замыг нэн даруй барьж ашиглалтад оруулахгүй бол хэдхэн хоногийн дараагаас эхлэн цаг агаар эрс хүйтэрч, газар хөлдөх бөгөөд улмаар татвар төлөгчдийн асар их хэмжээний хөрөнгөөр тавьж буй уг зам ганц хоёрхон жилийн дараа эвдэрч цөмрөх эрсдэлтэй юм.
