Нийслэл дэх Захиргааны хэргийн анхан шатны шүүх өчигдөр 15:00 цагт Ж.Соронзонгийн нэхэмжлэлтэй "БШУ-ны сайд Л.Энх-Амгалангийн тушаалыг хүчингүй болгуулж ажилдаа буцан томилогдох, ажилгүй байсан хугацааныхаа цалинг нөхөн авах" нэхэмжлэлтэй хэргийг хянан хэлэлцжээ.
Уг хэргийг тус шүүхийн шүүгч Д.Халиуна хянан хэлэлцээд Ж.Соронзонгийн нэхэмжлэлийг хэрэгсэхгүй болгон шийдвэрлэсэн байна. Өөрөөр хэлбэл Ж.Соронзонг хууль бусаар ажлаасаа халагдаагүй хэмээн шүүх үзжээ.
Хэрвээ шүүх Ж.Соронзонг хууль бусаар халагдсан хэмээн үзсэн бол тэрбээр Монгол Оросын Хамтарсан 3 Дугаар Сургууль-ийн захирлаар буцан томилогдохын зэрэгцээ ажилгүй байсан хугацааны цалин болох 300,000,000 сая төгрөгийн цалинг улсын төсвөөс авах байв.
Ж.Соронзон нь МОХС-ийн захирлаар ажиллах байх үедээ тус сургуулийн төсвийн бус хөрөнгөнөөс 6.8 тэрбумыг шамдуулсан болох нь тогтоогдож, Авлигатай тэмцэх газарт яллагдагчаар татагдан шалгагдаж байгаа нэгэн билээ.
