Завхан аймгийн Улиастай сумын Дэвшил дунд сургуулийн 6в ангийн сурагч Б.Мягмардорж сайхан сэтгэлт Монголын ард түмнээсээ тусламж гуйж байна. Тэрбээр өдгөө 11-хэн настай атлаа тархины хүнд хэлбэрийн хорт хавдар өвчнөөр өвдөн шаналж, өдөр ирэх тусам хавдар нь томорч байна.
Б.Мягмардорж өмнө нь 80 гаруй сая төгрөгийн үнэтэй хагалгаанд орсон боловч бие нь дээрдээгүй. Улмаар дахин хагалгаанд орж, тархины “нээлттэй” хагалгаагаар тархины яс болон их тархины гүнд байгаа хавдрыг нь авах шаардлага үүсжээ.
Энэхүү хагалгаа нь 150 сая төгрөгийн өртөгтэй. Тиймээс ард иргэдээсээ хандивын гараа сунгаж, 11 настай хүүгийн амийг аврах хандивт нэгдэхийг уриалж байна.
