“Чадварлаг зөв Монгол хүүхдийн хөгжлийн үндэс болох” уриатай Мандухай кидс агентлагийн хамт олон хүүхэд, өсвөр насныханы чөлөөт цагаараа хөгжих, боловсроход чиглүүлсэн сургалт явуулдаг байгууллага юм.
2024 оны дөрөвдүгээр сарын 13-наас үйл ажиллагаагаа явуулж эхэлсэн тус агентлаг нь загварын олон төрлийн техник, фото модель, жүжиг, бүжиг гэсэн багц хичээлээр суралцагч хүүхдэд нэг дор олон талаар хөгжих боломжийг олгодогоороо онцлогтой. Загварын 3, бүжгийн 1, драмын 1 багштай сургалтын үйл ажиллагаа явуулж, өнгөрсөн хугацаанд дууны 2, бүжгийн 2, жүжгийн 1 хамтлагтай болсон байна. Хүүхдүүд олон улсын 2 ч тэмцээнд амжилттай оролцсон бөгөөд 3 суралцагч “International kids model” сэтгүүлд гарч, олон улсын тавцанд эх орныхоо нэрийг мандуулсан амжилтаар дүүрэн явна.
Тэгвэл тус агентлагийн суралцагч хүүхдүүд энэ сарын сүүлээр буюу 11 сарын 30-нд Тусгаар тогтнолын ордонд тайлан тоглолтоо хийхээр бэлтгэлдээ орсон байна. “Мэдрэмж” шоу тоглолтоор хүүхдүүд өөрсдийн авьяас чадвараа харуулж, сурсан мэдсэн бүхнээрээ зорин ирсэн үзэгчдийн мэдрэмжийг хөглөж, “Гайхамшиг тайзан дээр амилна” хэмээн өгүүлж байна.
