Монгол Улсад жил бүр дунджаар 100 орчим хүн өндрөөс унаж амь насаа алддаг тоон судалгаа бий. Гэвч тэдгээр тохиолдлуудыг мэргэжлийн түвшинд мөрдөн шалгаж, осол уу, аллага уу, аль эсвэл амиа хорлолт уу гэдгийг тогтоож чадахгүй байгаа нь харамсалтай.
Өндрөөс унах тохиолдлыг шалгахад гарч буй алдаа дутагдлыг засах, хуулийн алдаа хийдлийг арилгах зорилгоор иргэн А.Отгонцэцэгийн санаачилга, Хууль зүйн үндэсний хүрээлэнгийн хичээл зүтгэлээр хийсэн хэлэлцүүлгийг бүрэн эхээр нь хүргэж байна.
Хэлэлцүүлэг 2025 оны дөрөвдүгээр сарын 04-ний өдөр 09:00-12:30 цагт болсон билээ.
