Филиппин Улсын иргэн Террил Атиэнзаг гэртээ дөрвөн сарын турш боолчилсон хэрнээ ердөө 184.37 ам.долларын цалинг өгсөн Д.Сэргэлэн (Эрэлийн Б.Эрдэнэбатын эхнэр) чинь энэ шүү дээ.
Тэрбээр гэрийн үйлчлэгч Террил Атиэнзатайгаа ёс бус, дээрэнгүй харьцаж, ар гэрийнхэнтэйгээ утсаар ярих, тэр бүү хэл нөүтбүүк ашиглаж холбогдохыг ч хориглодог байсан аж.
Хамгийн хачирхалтай нь тухайн үед Монгол Улсад мөн л гэрийн үйлчлэгчээр ажилладаг байсан Мартинез хэмээх бүсгүй өөрийн найз Террилтэйгээ 2011 оны арваннэгдүгээр сарын 19-ний уулзахаар товлосон боловч Террил ирээгүй аж. Тиймээс Мартинез ажил олгогчтой нь (Д.Сэргэлэнтэй) холбогдож Террил Атиэнзатай уулзахаар өдөр товлосон боловч ирсэнгүй, мөн түүнтэй холбогдож чадахгүй байгаагаа хэлэхэд өвдчихсөн байгаа гэх хариуг өгөөд утсаа тасалжээ.
Харин энэхүү дуудлагаас хойш хоёр хоногийн дараа Филиппиний Манила хотод байрлах хөдөлмөр зуучлалын агентлагт Террил Атиэнза нас барсан тухай имэйл иржээ.
Д.Сэргэлэн учир битүүлгээр амь эрсэдсэн үйлчлэгчийгээ өвдсөн байгаа хэмээн найзад нь яагаад худал хэлэв? Үүний цаана чухам ямар нууц байгаа вэ?
