Хэргийг тодруулбал Д.Сүндий нь өөрийн эхнэр Н.Ундрахын хавиргыг хугартал зодож, зөөлөн эдийн гэмтэл учруулсан, сэтгэл санааны хүнд дарамтад оруулсан гэх хэргээр шалгуулж байх үедээ уг хэргийг шалгаж байсан мөрдөгчдөд 20 сая төгрөгийн хахууль өгч, хавтаст хэргийн нотлох баримтыг устгуулсан хэргээр буруутгагдан анхан шатны шүүхээс 3 жилийн хорих ялыг сонсож байв.
Д.Сүндийгээс 10 сая төгрөгийн хахууль авч хавтаст хэргийн нотлох баримтыг устгах ажлыг хийсэн Хан-Уул дүүргийн Цагдаагийн I хэлтсийн мөрдөгч, ахмад Г.Даваажавыг хийсэн хэрэгтээ машид гэмшиж байгааг шүүх харгалзан үзсэн мөртлөө түүнд оногдуулсан 3 жилийн хорих ялыг ердөө нэг жилээр бууруулж, 2 жилийн хорих өгсөн бол Д.Сүндийгээс 5 сая төгрөгийн хахууль авсан Сүхбаатар дүүргийн Цагдаагийн газрын мөрдөгч Т.Батсайханд 3 жилийн хорих ял тус тус оноож шийдвэрлэжээ.
