Чингэлтэй дүүргийн эрүүгийн хэргийн шүүх Х.Бат-Ялалтад холбогдох эрүүгийн хэргийг өнөөдөр хянан хэлэлцээд шүүгдэгч Х.Бат-Ялалтыг Эрүүгийн хуулийн тусгай ангийн 17.6 дугаар зүйлийн 1 дэх хэсэгт заасан бусдын эд хөрөнгийг авахаар заналхийлэх гэмт хэргийг үйлдсэн гэм буруутайд тооцож, Эрүүгийн хуулийн тусгай ангийн 17.6 дугаар зүйлийн 1 дэх хэсэгт зааснаар 15.000 нэгжтэй тэнцэх хэмжээний буюу 15.000.000 төгрөгийн торгох ял оногдуулсан байна.
Х.Бат-Ялалт нь 2016 оны УИХ-ын сонгуулийн өмнө нэр дэвшигч Л.Эрдэнэчимэгийг төрийн ордонд архидан согтуурч, тамхи татаж буй бичлэгээр нь барьцаалан сүрдүүлж, 200 сая төгрөг нэхээд улмаар 50 сая төгрөг авсан хэргээрээ ийнхүү шүүгдэж ял сонслоо.
