Эдгээр байшинг БШУЯ-ны харьяа Монгол-Оросын хамтарсан гуравдугаар сургуулийн захирал Ж.Соронзон сургуулийнхаа ажилтнуудаараа, ямар ч цалин хөлсгүйгээр бариулсан гэж эх сурвалжууд хэлж байна.Ж.Соронзон захирал "Чи муу миний сургуулиас цалин авч байгаа бол миний хий гэснийг хуцалгүй хий" хэмээн загнаж, ажилтнуудаа гэж дарамталж бариулсан хэмээн нэрээ нууцлахыг хүссэн эх сурвалж хэлсэн юм.
Ажилчдын автобус гэсэн бичигтэй энэ саарал старекс бол Монгол-Оросын хамтарсан гуравдугаар сургуулийн машин бөгөөд өөрийнхөө байшинг бариулахдаа хүртэл сургуулийн ажилтнуудаа, өмч хөрөнгөө ашигласан баримтыг та бүхэн харж байна.
Баянзүрх дүүргийн ЗДТГ-аас Баянзүрхийн гүүрнээс Сонсголонгийн гүүр хүртэл (20 км) Туул голын дагууд Усны тухай хуулинд заасан голын онцгой хамгаалалтын бүсэд хууль бусаар олгосон газруудын талаарх мэдээллийг олон нийтэд дэлгэхэд тэдний дунд Ж.Соронзонгийн төрсөн дүү Ж.Сонсголонгийн нэр байгааг та бүхэн харж байна.
Ж.Сонсголон нь Гадаадын иргэн, харьяатын асуудал эрхлэх албанд Хяналтын улсын байцаагчаар томилогдон тасралтгүй 2002 оноос тасралтгүй ажиллаж байгаад зуурдаар нас барсан бөгөөд түүний нэр дээрх газар дээр уг байшингуудыг Ж.Соронзон, Ж.Содбилэг нар барьсан байна.
