Тэрбээр бар жилийн шинийн нэгний өглөө Сүхбаатарын одонг энгэртээ гялалзуулсан зургаараа олон нийтэд сар шинийн мэндчилгээ дэвшүүлэхдээ саяхан 1.9 тэрбум төгрөгөөр худалдан авсан Белла Виста харшид амьдарч байгаа шүү гэдгээ ард түмэндээ зориуд тодотгон харуулав.
“Улаанбаатар радио” фм-ээс өөр эзэмшдэг хуулийн этгээдгүй, дансандаа 8 сая төгрөгтэй хэмээн хөрөнгө орлогын мэдүүлгээ дөрвөн жилийн өмнө хөтөлж явсан Б.Цогтгэрэл ЗТХ-ийн дэд сайд, УИХ-ын дарга УБТЗ ХНН-ийн Ерөнхий хорооны орлогч дарга, Г.Занданшатарын орон тооны бус зөвлөхөөр ажиллах хугацаандаа огцом баяжсан бололтой юм.
Нэг хэсэг ашиглалтын шаардлагаас хасагдаж актлагдсан 1000 вагоны чиргүүлийг ОХУ-аас өндөр үнээр худалдан авсан хэмээн баалуулж, гурван үсэгтэй байгууллагынханд баривчлагдах шахсан Б.Цогтгэрэл өдгөө монголын толгой баячуудын эдэлдгийг эдэлж, хэрэглэдгийг хэрэглэж байгаа нь анхаарал татна.
Хэдэн сарын өмнө алтан хүрээтэй нүдний шил, алтан товчтой хурган дээл, он залуу Лексус-570 маркийн автомашинтай зургаа олон нийтийн сүлжээнд гайхуулах гэж байгаад Буян Жагаа гуайд шүүмжлүүлснээсээ хойш нам гүмхэн болсон Б.Цогтгэрэл сар шинийн босгон дээрээ шинэ харшаа “гайхуулахгүй байж” үнэхээр тэссэнгүй бололтой.
