Тус сургуулийн захиргаанаас багш нартай байгуулсан хөдөлмөрийн гэрээн дээр нэг сарын цалинтай тэмцэх хэмжээний барьцаа мөнгийг хураан авна гэдэг ямар ч зүйл заалт байдаггүй аж.
Түүнчлэн Монгол Улсын Хөдөлмөрийн тухай хуулиар ажил олгогчийн зүгээс ямар нэгэн барьцаа хэрэглэхийг хатуу хориглосон байдаг.
Хамгийн ноцтой Ж.Соронзон захирал гадаад багш нараас хураан авсан барьцаа мөнгө болох 257 сая төгрөгийг сургуулийнхаа нийгмийн ажилтан Л.Тунгалагийн хувийн данс руу шилжүүлж, өндөр хүүтэй хадгаламжид хүүлсэн баримтыг та бүхэн харж байна.
Тухайн сургуульд ажилладаг гадаад багш нарын 5-10 нь жил бүр ажлаасаа халагддаг бөгөөд халагдсан багш нарын барьцаа хөрөнгө нь Л.Тунгалаг, Ж.Соронзон нарын орлого болдог хэмээн эх сурвалж хэллээ.
Харин хичээлийн жилээ дуусгасан багш нарт жил бүрийн зургадугаар сард барьцаа мөнгийг буцаан өгдөг бөгөөд 4,000,000-6,000,000 орчим төгрөгийг багш нараас хууль бусаар хурааж бүтэн жил шахуу өндөр хүүтэй хадгаламжид байлгасан мөртлөө ердөө 50,000 төгрөгийг л хүү хэмээн нэмж өгдөг байсан гэв.
Ж.Соронзон захирал энэхүү хууль бус ажлыг сургуулийнхаа нийгмийн ажилтан Л.Тунгалагтай үгсэн хуйвалдаж, хамтран үйлддэг байсан бөгөөд сүүлийн үед авлига, албан тушаалын гэмт үйлдлүүд нь илчлэгдээд эхэлмэгц сандрахдаа гадаад багш нараас хураан авсан хууль бус барьцаа мөнгөө өнгөрсөн 7 хоногт буцааж өгчээ.
Гэхдээ хууль бусаар халагдаж хохирсон гадаад багш нарын мөнгийг буцаан өгөхгүй завшсан гэв.
