Мянга мянган оюутан залуусын шаардлагыг Засгийн газар хүлээн авч төрийн өмчид бүртгэлтэй том оврын автомашинуудыг дуудлага худалдаагаар худалдан борлуулж, түүнээс орж ирэх орлогыг улсын төсөвт төвлөрүүлэхээр болсон.
Энэхүү ажлыг БОАЖЯ тэргүүтэй төрийн дээд байгууллагууд дэмжиж, байгууллагынхаа нэр дээр бүртгэлтэй том оврын жийпнүүдээ дуудлага худалдаагаар худалдан борлуулж, түүнээс орж ирэх орлогыг улсын төсөвт төвлөрүүлэхээ илэрхийлээд байгаа юм.
Харин тэгвэл 5.8 тэрбумын хулгай авлигыг нь илчилчихээд байхад барьж хорьж чаддаггүй Ж.Соронзон захирлын унаж эдэлдэг энэ хоёр машиныг нь улс харин худалдан борлуулж чадах уу гэдэг асуулт урган гарч байгаа юм.
БШУЯ-ны харьяа Монгол-Оросын хамтарсан гуравдугаар сургууль гэх нэртэй төрийн өмчийн нэг сургуулийн захирал хоёр ширхэг том оврын жийп автомашиныг хувийн болон албаны зорилгодоо ашиглаж байгаа бөгөөд 00-30 УБО улсын дугаартай, тусгай дуут дохиогоор тоноглосон машинаар 2011 онд Ж.Соронзонгийн нөхөр Н.Лүндэндорж хүн дайрч алсан мөртлөө хуулийн хариуцлага хүлээгээгүй билээ.
