"Шинэ сэргэлтийн бодлого"-ын нэг томоохон зорилт болох Төрийн бүтээмжийг дээшлүүлэх хүрээнд тухайлсан салбаруудын үйл ажиллагааг шинэчлэх, сайжруулахтай холбоотой иргэдийн санал хүсэлтийг нээлттэй сонсож, бодлого үйл ажиллагаанд тусгах зорилгоор Шадар сайд С.Амарсайханы эрхлэх хүрээний агентлагууд санал авч эхэлжээ.
Эхнийх нь Шадар сайдын эрхлэх асуудлын хүрээний агентлаг болох Мэргэжлийн хяналтын ерөнхий газар бөгөөд иргэн, аж ахуйн нэгж байгууллагын санал хүсэлтийг хүлээн авч эхэлсэн байна. Мэргэжлийн хяналтын байгууллагын үйл ажиллагаатай холбоотой санал хүсэлт, зөвлөмж зөвлөгөө, гомдол, өргөдлөө [email protected] хаягаар ирүүлэх боломжтой аж.
Ирүүлсэн санал хүсэлт, шүүмж, зөвлөмжүүдтэй нэгбүрчлэн танилцаж, салбар дундын уялдаа холбоогоор нь нэгтгээд тодорхой хариу, шийдэл гаргахаа Шадар сайд С.Амарсайхан илэрхийллээ.
