"Нэт капитал" ББСБ-ыг үүсгэн байгуулагч Д.Сүндий нь өөрийн эхнэр Н.Ундрахын хавиргыг хугартал зодож, зөөлөн эдийн гэмтэл учруулсан, сэтгэл санааны хүнд дарамтад оруулсан гэх хэргээр шалгуулж байх үедээ уг хэргийг шалгаж байсан мөрдөгчдөд 20 сая төгрөгийн хахууль өгч, хавтаст хэргийн нотлох баримтыг устгуулсан хэргээр буруутгагдан анхан шатны шүүхээс 3 жилийн хорих ялыг сонсож байв.
Гэвч Нийслэлийн эрүүгийн хэргийн давж заалдах шатны шүүх хянан хэлэлцээд “Шүүгдэгч Д.Сүндий нь хууль сахиулахын албан тушаалтнуудад хахууль өгөх хэмжээнд оролцсон оролцоо, үйлдлийн давдамж, үйлдсэн хэрэгтээ чин санаанаасаа гэмшин дүгнэлт хийж байгаа нөхцөлийг харгалзан үзэж, түүнд анхан шатны шүүхээс оногдуулсан 3 жилийн хорих ялыг 6 сар болгон хөнгөрүүлж, нийтийн албанд томилогдох эрхийг 5 жилийн хугацаатай хасах” шийдвэрийг гаргасан олон нийтийн асар хүчтэй эсэргүүцэлтэй тулсан юм.
Харин өнөөдөр УДШ уг хэргийн хянан хэлэлцээд давж заалдах шатны шүүхийн шийдвэрийн Д.Сүндийгийн ял завшуулсан асуудлыг хүчингүй болголоо.
