“Зөв амьдрах ухаан” ТББ-ын гүйцэтгэх захирал Г.Амарсайхан найман сар шоронд суусны дараа суллагдмагцаа хэвлэл мэдээллийнхэнд маш ноцтой мэдээллүүдийг өгөх болов.
Тухайлбал тэрбээр livetv.mn сайтад өгсөн ярилцлагадаа “Би нөхрийнхөө хамт цагдаагийн байгууллагын занаасанд орж хэлмэгдсэн. ХЭҮК-ын дарга Ж.Бямбадорж манай төвийн асрамжинд байдаг хүмүүсийг гөлөг хэмээн хэлсэн бичлэгийг илчилсний дараагаас энэ ажиллагаа улам эрчимжсэн. Улмаар ямар ч нотлох баримтгүй хэргээр шүүх биднийг ялласан. Энийг жирийн нэгэн хүн хийж чадахгүй. Ард нь том эрх мэдэлтэй хүн байсан. Бид орон гэргүй, тэнэмэл хүмүүсийг тэжээн тэтгэж, тэдний хүүхдүүдийг бойжуулж яваад хэлмэгдлээ” хэмээн ярьсан нь багагүй шуугиан тарьж байна.
