Японы мэргэжлийн сүмогийн 69 дэх их аварга Хакухо М.Даваажаргал зодог тайлж буйгаа зарлалаа. Түүний баруун өвдөгний бэртэл эдгэхгүй удсан тул тэрбээр зодог тайлах шийдвэрт хүрсэн юм.
Япон Улсын иргэн Хакухо М.Даваажаргалын мэргэжлийн сумод гаргасан түүхэн амжилтуудаас
Түрүү бөхийн 45 цом ( ард нь 32 түрүүтэй Тайхо)
Сумод нийт ялалт 1187 ( Хоёрт Кайо 1047)
Макуучи буюу дээд зиндаанд 1093 ялалт ( Кайо 879)
Ёкозуна цолтой хамгийн олон башод оролцсон 83 ( Китаноуми 63)
Ёкозуна цолтой хамгийн олон ялалт 899 ( Китаноуми 670, Чиёнофужи 625)
Ёкозуна цолтой хамгийн олон барилдаан 1019 ( Китаноуми 818, Чиёнофужи 730)
Ёкозуна цолтой хамгийн олон дараалсан барилдаан 722 ( Китаноуми 653)
10 болон түүнээс дээш даваатай хамгийн олон башо 78 ( Тайхо, Китаноуми - 55)
Нэг ч ялагдалгүй, 15-0 гэсэн амжилттай түрүү 16 ( хамгийн олон )
Ёкозуна цолтой хамгийн удаан хугацаа барилдаж буй амжилт - 14 жил. 2007 оны 5 сараас хойш.
( Хагурояма 12 жил, 4 сар)
Жилийн хамгийн олон ялалт 2 удаа 2009, 2010 онд - 86 (90 барилдаанаас)
Дараалсан түрүү - 7 башо, энэ амжилтыг Ёкозуна Асашорю Дагвадоржтой хувааж эзэмшдэг.
Орчин цагийн сумод хамгийн олон дараалсан ялалт - 63,
1936-1939 онуудад Футабаяма аварга 69 дараалж ялж байсан.
Хамгийн урт хугацаанд жилийн хамгийн олон ялалттай амжилт, дараалж 9 жил, 2007-2015 онд
16 жил 2005-2021 онуудад дараалж түрүү хүртсэн амжилт
Мэргэжлийн сумод хамгийн ахмад насандаа түрүүлсэн аварга - 36 нас, 4 сар (2021)