БШУЯ-ны харьяа МОХС-ийн нэр дээр бүртгэлтэй ланд круйзер 200 маркийн, 7746 УАЕ улсын дугаартай автомашинаар Ж.Соронзон, Н.Лүндэндорж хоёр зугаалж байгаа зураг мэдээлэл ирлээ.
Тэд дөнгөж сая Булган аймгийн төв дээр Ханжаргалант худалдааны төвөөр үйлчлүүлээд Хөвсгөлийн зүг хөдөлсөн байна.
Сүүлийн жилүүдэд эрх мэдэлтнүүд төр, нийтийн өмчийн автомашиныг хувийн аялал зугаалгадаа ашиглаж сүйтгэдэг явдал газар аваад байгаа.
Харин энэхүү зүй бус үйлдлийнхээ төлөө албан тушаалаасаа огцорсон ганцхан албан тушаалтан бол Мал аж ахуйн эрдэм шинжилгээний хүрээлэнгийн захирал Т.Батсүх юм. Тэрбээр албаны машинаа хүүдээ өгч хөдөө зугаалуулж байсныг zarig.mn сайт илчилж хариуцлага тооцуулж байв.
