УИХ-ын гишүүн Ц.Анандбазар хүчин, бэлгийн хүчирхийлэл, ажлын байрны бэлгийн дарамт зэрэг хэргүүдийг Цахиур эрэн сурвалжлах нэвтрүүлгийнхэн илчилсэн. Уг нэвтрүүлэг цацагдсаны маргааш буюу дөрөвдүгээр сарын 26-ны өдөр ЦЕГ-ын Мөрдөн байцаах албанаас Ажлын хэсэг гарч, Ц.Анандбазарт хэрэг бүртгэлтийн хэрэг нээн, мөрдөн шалгаж эхэлсэн.
Уг хэргийн хүрээнд хоёр цуврал нэвтрүүлэгт оролцон, ярилцлага өгсөн гурван гэрч, зургаан хохирогч, нийт есөн эмэгтэй цагдаагийн байгууллагад мэдүүлэг өгөөд байгаа юм. Харин уг хэрэгт холбогдоод буй УИХ-ын гишүүн Ц.Анандбазар мэдүүлгээ өгч дууссаныг эх сурвалж хэллээ.
