Гадаадын хөрөнгө оруулалттай “Эм си ти ти” ХХК нь Монгол Улсын хууль тогтоомжийг ноцтойгоор зөрчиж, гадаадын иргэдээр тэсэлгээ хийлгэж буй бичлэг ил болсон. Уг бичлэгийн мөрөөр тус компанийн Дорноговь аймгийн Айраг суман дахь Баруун цагаан дэл уурхайг МХЕГ болон цагдаагийн хамтарсан баг очиж шалгажээ. Шалгалтаар очих үеэр тус уурхайн үйл ажиллагаа зогссон байдалтай байсан аж. Харин гадаадын иргэдээр тэсэлгээ хийлгэсэн явдал 2019 онд болсон гэдэг нь урьдчилсан байдлаар тогтоогдсон байна. Иймд тус компанид эрүүгийн хэрэг үүсгэн шалгуулахаар цагдаад шилжүүлсэн хэмээн МХЕГ-аас мэдээлэв.
МХЕГ: “Эм си ти ти” ХХК-д эрүүгийн хэрэг үүсгэн шалгана
